Хаартыска: @dmitriytikhon0v телеграм-ханаалтан.
Бүгүн Мэҥэ Хаҥалас улууһун киинигэр Аллараа Бэстээххэ РФ Бэрэсидьиэнэ Владимир Путин көҕүлээбит «Үөрэхтээһин» национальнай бырайыак чэрчитинэн, Ил Дархан Айсен Николаев өйөбүлүнэн «IT-Куб» сыыппара эйгэтин киинин үөрүүлээх быһыыга аһылынна.
Оҕо саас сылыгар Сыыппара киинин аһыллыыта Мэҥэ Хаҥалас улууһугар бэртээхэй бэлэҕинэн буолла. Бу эбийиэк өссө биир суолталаах сылга олоххо киирбитин туһунан улуус баһылыга Дмитрий Тихонов бэйэтин телеграм-ханаалыгар сырдатта: «Бу бэлиэ түгэн улууспутугар үөрэхтээһин төрүттэммитэ 150 сылыгар икки бүк суолталанан ураты бэлэх буолла.
Илин эҥэргэ бастакы «IT-Куб» эбии үөрэхтээһин киинин аһыллыытыгар СӨ Бырабыыталыстыбатын бэрэссэдээтэлин солбуйааччы Анатолий Семенов, үөрэҕирии уонна билим миниистирэ Нюргуна Соколова кыттыыны ыллылар.
Сыыппара үөрэҕэр идэни талыыга туһаайар үлэни ыытар киин улууспут оҕолоругар аана куруук аһаҕас буолуоҕа. Аныгы олох тэтимигэр, ирдэбилигэр толору хоруйдуур эбии үөрэхтээһин киинэ кэнчээри ыччаппытыгар бары өттүнэн туһалаах, билии-көрүү чыпчаалын дабайалларыгар, сайдыылаах үйэни кытары тэҥҥэ хардыылыылларыгар күүс-көмө буоллун!».
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…