Хаартыска: Мария Захарова тиксэриитэ.
Бу күннэргэ «Саха сирэ» хаһыат эрэдээктэрэ Александр Тарасов «Сахамедиа» холдинг сурутууга салаатын салайааччыта Светлана Борисованы кытта илин эҥээр улуустарынан чэпчэтиилээх сурутууну ыыта сылдьаллар.
Бүгүн сурутуу Чурапчы Одьулуунугар ыытылынна. Оттон соторутааҕыта хаһыат үлэһиттэрэ Мэҥэ Хаҥалас улууһун Балыктааҕар сылдьыбыттара. Бу туһунан ааҕааччыбыт Мария Захарова маннык сырдатта:
— Култуура дьиэтигэр «Саха сирэ» хаһыат үлэһиттэрин көҕүлээһиннэринэн нэһилиэк олохтоохторун кытта көрсүһүү буолан ааста. Хаһыат кылаабынай эрэдээктэрэ Александр Тарасов бу тэрээһиҥҥэ мустубут дьоҥҥо хаһыат ис тутулун туһунан сиһилии кэпсээтэ. Саха сиригэр биллэр оҕуруотчут Евдокия Гаврильева-Сибэкки Дуунньа оҕуруот аһын олордууга маастар-кылаас ыытта. Ол курдук, помидору, оҕурсуну, винограды уонна сибэкки арааһын хайдах олордорун туһунан бэйэтин уһун сыллаах уопутуттан үллэһиннэ, сүбэ-ама биэрдэ, боппуруостарга хоруйдаата. Маны таһынан, Сибэкки Дуунньа бэйэтин үүнээйилэрин, оҕуруот аһын сиэмэлэрин, сибэкки арассаадаларын, аатырбыт виноградыттан умнастары аҕалан атыы тэрийдэ. Ону дьиэ хаһаайкалара үөрэ-көтө хамаҕатык атыыластылар. Евдокия Степановна экраҥҥа оҕурсутун-помидорун, сибэккилэрин, тэпилииссэтин көрдөрбүтүн, мустубут дьон олус диэн сөхтүбүт. «Саха сатаабатаҕа суох» дииллэринии, ыалдьыппыт баҕа баар буоллаҕына, биһиги тыйыс тымныы усулуобуйабытыгар даҕаны соҕуруу дойдуга үүнэр араас оҕуруот аһын олордуохха сөбүн бигэргэттэ.
Бу күн 2025 сыл иккис аҥаарыгар «Саха сирэ» хаһыакка 20%-наах чэпчэтиилээх сурутуу ыытылынна. Сурутуу түмүгэр хас биирдии суруппут дьон «Саха сирэ» хаһыат аатыттан бириис тутан үөрдүлэр. Бу сэргэх тэрээһиҥҥэ кыттыыны ылбыт Балыктаах олохтоохторо хаһыакка суруттаран, маастар-кылааска элбэҕи, саҥаны билэн, сиэмэ арааһын атыылаһан, аны сайын өлгөм үүнүүлээх оҕуруот аһын үүннэрэр былааннаах дуоһуйан-астынан тарҕастыбыт.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…