Мэҥэ Хаҥалас дьокутааттара уонна баһылыктара күрэхтэһэллэр

Бэҕэһээ, кулун тутар 27 күнүгэр, Мэҥэ Хаҥалас улууһун дьаһалтата, Сэбиэтин дьокутааттара, нэһилиэктэрин баһылыктара, оскуолаларын дириэктэрдэрэ аан бастаан доҕордоһуу көрсүһүүлэрэ  ыытылынна.

Салайааччылар хамаандалара уопсайа биэс көрүҥҥэ: волейболга, ырааҕы ыстаныыга, дартска, корзинаҕа мээчиги таба быраҕыыга, дуобакка күөн көрүстүлэр, илин-кэлин түһүстүлэр диэн Мэҥэ Хаҥалас улууһун дьаһалтатын пресс-сулууспата иһитиннэрэр.

Күрэхтэһии түмүгүнэн, чөл олоҕу, успуорду көҕүлүүргэ тэриллибит доҕордуу көрсүһүү көһө сылдьар куубагын улуус оскуолаларын дириэктэрдэрин хамаандата ылары ситистэ. Иккис бочуоттаах миэстэҕэ улуус дьаһалтатын хамаандата, үһүскэ – оройуон Сэбиэтин дьокутааттара таҕыстылар.