Салгыы
Мэҥэ Хаҥалас хамаандата «Юнармия» күрэҕэр кыайыыны ситистэ

Мэҥэ Хаҥалас хамаандата «Юнармия» күрэҕэр кыайыыны ситистэ

03.04.2024, 12:30
Хаартыска: Мэҥэ Хаҥалас дьаһалтатын пресс-сулууспата
Бөлөххө киир:

Муус устар 1 күнүгэр Бүтүн Арассыыйатааҕы «Юнармия бастыҥ дьиэтэ-2024» көрүү-куонкурус түмүгэ билиннэ.

Күрэх сүрүн сыалынан-соругунан бастыҥ үлэлээх «Юнармия» дьиэлэрин быһаарыы, 2024 сылга сүрүннүүр ыстааб үбүттэн матырыйаалынай-тиэхиньиичэскэй баазаны сайыннарыы буолар.
Ол курдук, күрэххэ дойду 25 эрэгийиэннэриттэн барыта холбоон «Юнармия» 64 дьиэтэ кыттыбыта биллэр.

Хаартыска: sakha.gov.ru

Куонкурус олунньу 1 күнүгэр саҕаламмыта. Көрүүгэ «Юнармия» дьиэтэ патриотическай иитии хайысхаларын билиһиннэриитэ, оҕолору үөрэтии бырыһыана, СМИ-гэ сырдатыыта, пуорумнары, слеттары, кэмпириэнсийэлэри тэрийэн ыытыыта, кыттыгас үбүлээһин харчыта, уо.д.а. учуоттаммытара.

Мэҥэ Хаҥалас улууһун «Кэскил» оҕо эбии үөрэхтээһинин киинигэр тэриллибит «Юнармия» 203 баалы ылан, түмүктүүр куонкурус түмүгүнэн бастакы миэстэни ылла. Иккис миэстэҕэ Кемеровскай уобалас «Юнармия» дьиэтэ (193 баал) таҕыста, үһүс миэстэни Москва уобалаһа (191 баал) ылла.

Мэҥэ Хаҥалас улууһун «Мэҥэ кэскилэ» оҕо-ыччат хамсааһынын сүрүннүүр киин иһинэн тэриллибит, Марианна Монастырева салайааччылаах «Юнармия» дьиэтин хамаандата кыайыылаах аатын сүктэ, итиэннэ быйылгы сылга матырыйаалынай-тиэхиньиичэскэй бааза өттүнэн хааччыллыыны ылар чиэскэ тигистэ. Ону тэҥэ Бүтүн Арассыыйатааҕы куонкурус түмүгүнэн, Сэбиэскэй Сойуус Дьоруойа Н.С. Степанов аатынан Бүлүүтээҕи 3 №-дээх орто оскуолатын иһинэн «Юнармия» дьиэтэ дойду 25 бастыҥ дьиэ ахсааныгар киирдэ уонна анал дипломунан наҕараадаланна.

Матырыйаалынай-тиэхиньиичэскэй бааза өттүнэн хааччыллыыга 1 мөл. солк. бэриллэр. Бу үбүнэн-харчынан көмпүүтэри, оргтиэхиникэни, сымнаҕас миэбэли, үөрэх плакаттарын, судаарыстыбаннай бэлиэлэри, автоматтар макеттарын, үөрэх босуобуйаларын, о.д.а. атыылаһыахха сөп.

+1
4
+1
1
+1
0
+1
0
+1
0
+1
0
+1
0
Бары сонуннар
Салгыы
15 апреля
  • -2°C
  • Ощущается: -5°Влажность: 31% Скорость ветра: 2 м/с

Сообщить об опечатке

Текст, который будет отправлен нашим редакторам: