Хаартыска: Мэҥэ Хаҥалас дьаһалтатын пресс-сулууспата
Муус устар 1 күнүгэр Бүтүн Арассыыйатааҕы «Юнармия бастыҥ дьиэтэ-2024» көрүү-куонкурус түмүгэ билиннэ.
Күрэх сүрүн сыалынан-соругунан бастыҥ үлэлээх «Юнармия» дьиэлэрин быһаарыы, 2024 сылга сүрүннүүр ыстааб үбүттэн матырыйаалынай-тиэхиньиичэскэй баазаны сайыннарыы буолар.
Ол курдук, күрэххэ дойду 25 эрэгийиэннэриттэн барыта холбоон «Юнармия» 64 дьиэтэ кыттыбыта биллэр.
Куонкурус олунньу 1 күнүгэр саҕаламмыта. Көрүүгэ «Юнармия» дьиэтэ патриотическай иитии хайысхаларын билиһиннэриитэ, оҕолору үөрэтии бырыһыана, СМИ-гэ сырдатыыта, пуорумнары, слеттары, кэмпириэнсийэлэри тэрийэн ыытыыта, кыттыгас үбүлээһин харчыта, уо.д.а. учуоттаммытара.
Мэҥэ Хаҥалас улууһун «Кэскил» оҕо эбии үөрэхтээһинин киинигэр тэриллибит «Юнармия» 203 баалы ылан, түмүктүүр куонкурус түмүгүнэн бастакы миэстэни ылла. Иккис миэстэҕэ Кемеровскай уобалас «Юнармия» дьиэтэ (193 баал) таҕыста, үһүс миэстэни Москва уобалаһа (191 баал) ылла.
Мэҥэ Хаҥалас улууһун «Мэҥэ кэскилэ» оҕо-ыччат хамсааһынын сүрүннүүр киин иһинэн тэриллибит, Марианна Монастырева салайааччылаах «Юнармия» дьиэтин хамаандата кыайыылаах аатын сүктэ, итиэннэ быйылгы сылга матырыйаалынай-тиэхиньиичэскэй бааза өттүнэн хааччыллыыны ылар чиэскэ тигистэ. Ону тэҥэ Бүтүн Арассыыйатааҕы куонкурус түмүгүнэн, Сэбиэскэй Сойуус Дьоруойа Н.С. Степанов аатынан Бүлүүтээҕи 3 №-дээх орто оскуолатын иһинэн «Юнармия» дьиэтэ дойду 25 бастыҥ дьиэ ахсааныгар киирдэ уонна анал дипломунан наҕараадаланна.
Матырыйаалынай-тиэхиньиичэскэй бааза өттүнэн хааччыллыыга 1 мөл. солк. бэриллэр. Бу үбүнэн-харчынан көмпүүтэри, оргтиэхиникэни, сымнаҕас миэбэли, үөрэх плакаттарын, судаарыстыбаннай бэлиэлэри, автоматтар макеттарын, үөрэх босуобуйаларын, о.д.а. атыылаһыахха сөп.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …