Хаартыска: СӨ АНИИЦ пресс-сулууспатыттан.
Мэҥэ Хаҥалас улууһун Хаптаҕай сэлиэнньэтин аттыгар ыытыллыбыт археологическай хаһыыларга саха дьоно олорбут саамай улахан иэннээх сирдэрэ көһүннэ.
Бу туһунан «Якутия 24» телеханаалга «Актуальное интервью» биэриигэ СӨ Култуурунай нэһилиэстибэлэрин эбийиэктэрин харыстыыр управлениетын култуурунай нэһилиэстибэ эбийиэктэрин харыстааһыҥҥа судаарыстыбаннай хонтуруол салаатын салайааччыта Николай Васильев иһитиннэрдэ.
Хаһыылар 6,5 тыһыынча квадратнай миэтэрэттэн тахса киэҥ сиргэ ыытыллыбыттар. Тыһыынчаттан тахса археологическай маллар булуллубуттар, ол иһигэр туой иһит үлтүркэйдэрэ уонна дьиэ, ойуур кыылларын уҥуохтарын тобоҕо көстүбүттэр.
«Кэлиҥҥи 30 сылга Саха сиригэр дьон олоро сылдьыбыт сирдэригэр саамай улахан хаһыылары олохтоох археологтар ыыталлар, бу улахан суолталаах. Урукку өттүгэр балачча улахан хаһыылары атын эрэгийиэннэртэн, холобур Новосибирскай уобаластан, Ханты-Мансийскай автономнай уокуруктан кэлэн ыыталлара. Оттон билигин бэйэбит учуонайдарбыт оҥороллоро — бу улахан ситиһии. Билигин билим түмүктэрин туһунан этэр эрдэ, камеральнай уонна лабаратыарыйа үлэлэрэ ыытыллыахтара. Олохтоох дьон бэйэлэрин туойдарын биэрдилэр. Археолог учуонайдар олору кытта хаһыылартан көстүбүт туой үлтүркэйдэрин чинчийиэхтэрэ, дьэ оччоҕо туой оҥоһуктар маннааҕылара дуу, атын сиртэн аҕалаллыбыттара дуу биллэн тахсыа”, — диэтэ Николай Васильев.
Хаһыыларга XVIII үйэтээҕи дьиэ-уот турбут онно, ол тула хаһаайыстыбаҕа туттуллубут умуһахтар оннулара баара көһүннэ. Балаҕан тойон баҕаналарын уонна эркинин сорҕото ордон хаалбытын бэлиэтээбиттэр.
Булуллубут матырыйааллары барытын түмэлгэ биэриэхтэрэ, ол онон быыстапка туруоҕа.
Бу ыытыллыбыт хаһыылар сирдэринэн массыына суола Өлүөнэ муостатыгар ааһыахтаах. Археологическай нэһилиэстибэ эбийиэгин иккис чааһа судаарыстыбаннай көрүүгэ-харайыыга сытар, диэн Ил Дархан, бырабыыталыстыба пресс-сулууспата иһитиннэрэр.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…