Мэҥэ Хаҥалас оҕолоро буоксаҕа ситиһиилэннилэр

Share

Ил Дархан Айсен Николаев үүммүт сылы өрөспүүбүлүкэбитигэр Оҕо сылынан биллэрбитэ. Быйыл сайын Дьокуускайга куоракка «Азия оҕолоро» VIII сайыҥҥы оонньуулар ыытыллыахтара. Бу туһунан «Эркээйи» хаһыат суруйар. 

Мэҥэ Хаҥалас улууһун оҕо успуорка оскуолатын буокса көрүҥэр дьарыктанар оҕолор араас таһымнаах күрэхтэһиилэргэ ситиһиилэрин тустарынан тириэньэр Ариан Монастырев билиһиннэрдэ.

‒ Тириэньэрдэринэн Василий Юрьевич Шестаков уонна мин, Ариан Дмитриевич Монастырев үлэлиибит. СӨ Үөрэҕин министиэристибэтин иһинэн «Юные якутяне» ресурснай киининэн өрөспүүбүлүкэҕэ ыытыллыбыт  күрэхтэһиигэ биһиги оҕолорбут кыргыттар уонна уолаттар хамаанданан түмүккэ Дьокуускай куорат кэнниттэн иккис миэстэни ылары ситистилэр.

Сэбиэскэй Сойуус буоксаҕа сулуһа, СССР чөмпүйүөнэ, аан дойдутааҕы кылаастаах маастар Борис Зориктуев кэриэһигэр Бурятияҕа күрэхтэһиигэ биһигиттэн 4 уол кыттыыны ылбытыттан Саша Сергучев, Витя Бродников, Женя Павлов бастаабыттара. Нерюнгри  куоракка РФ Бочуоттаах тириэньэрдэрэ Сергей Исмаилов уонна Николай Размахнин ааттарын үйэтитэр Бүтүн Арассыйатааҕы «Б» кылаастаах турнирга ситиһиилээхтик кытынныбыт. 46 кг Ренат Эждавлатов, 54 кг Саша Сергучев чөмпүйүөннээбиттэрэ. Үөрэнээччилэр ыспартакыйаадаларыгар Саша Сергучев, Галя Слепцова иккиэн бастакы, Женя Павлов, Марфа Павлова, Настя Черкашина иккис, Эрэл Васильев, Артем Саввинов, Егор Никитин, Сергей Павлов, Стас Устинов бэһиэн үһүс буолбуттара.

Былырыын буоксаҕа өрөспүүбүлүкэ чөмпүйэнээтигэр Айтал Дьяконовпыт бастаабыта. Петр Егоровпыт 12-с төгүлүн өрөспүүбүлүкэ чөмпүйүөнүн аатын сүгэн Саха сирин успуордун устуоруйатыгар киирдэ.

Владивосток куоракка уолаттарга буоксаҕа Уһук Илин эрэгийиэн күрэхтэһиитигэр Саша Сергучев иккис миэстэлэспитэ. Салгыы Дьокуускай куоракка 15 ‒ 16 саастаах уолаттарга турнирга киирэн кыттыбыппыт. Онно 6 уолбут бириистээх миэстэлэри ылбыттара.

Приморскай кыраайга «Ливадия” успуорт оскуолатыгар кыра саастаах уолаттарга ыытыллыбыт күрэхтэһиигэ Петя Лукин бастаабыта.

Ньурба улууһугар буоксаҕа норуоттар икки ардыларынааҕы кылаастаах ССРС успуордун маастара Виктор Ефремов сырдык кэриэһигэр анаммыт 2009 ‒ 2010 с.т. уолаттарга күрэхтэһиигэ Ренат Макаров, Петр Лукин бастакы, Ринат Макаров, Ярик Васильев үһүс миэстэлэннилэр.

Улан-Удэҕэ Уһук Илин эрэгийиэҥҥэ кыргыттарга Саша Слепцова, Таня Владимирова бастаабыттара, Галя Слепцова үһүс буолбута.

Соторутааҕыта өрөспүүбүлүкэ чөмпүйэнээтигэр кыргыттарга Саша Слепцова бастаата, Галя Слепцова, Эльза Павлова иккис миэстэлэннилэр.

Түгэнинэн туһанан улууспут баһылыгар Дмитрий Иванович Тихоновка улахан махталбытын тиэрдэбит. Былырыын кини өйөбүлүнэн Узбекистан киин куоратыгар Ташкеҥҥа баран буоксаҕа аан дойду чөмпүйэнээтин көрөр кыахтаммыппыт. Элбэҕи билэн, уопут ылан астынан кэлбиппит.

Оҕолорбут ситиһиилэриттэн үөрэбит. Өссө дьаныһан туран дьарыктанан элбэх кыайыылары ситиһэргэ дьулуһабыт.

Улууспут, өрөспүүбүлүкэбит чиэһин араас таһымнаах күрэхтэһиилэргэ оҕолорбут чиэстээхтик көмүскүүллэринэн буокса курдук уустук көрүҥҥэ үүнэр көлүөнэни умсугутан дьарыктаан, иитэн-такайан таһааралларыгар тириэньэрдэргэ махтанабыт уонна инники үлэлэригэр ситиһиилэри баҕарабыт.

Елизавета НЕУСТРОЕВА.

What’s your Reaction?
+1
2
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Тымныы полюһугар Өймөкөөҥҥө кыһыҥҥы туризм бэстибээлэ 22-с төгүлүн ыытылынна

«Тымныы полюһугар Өймөкөөҥҥө айан» кыһыҥҥы туризм бэстибээлэ Өймөкөөн улууһугар да, өрөспүүбүлүкэҕэ да туризмы сайыннарыы стратегическай…

5 минут ago
  • Сонуннар
  • Сүбэһит

СҮБЭҺИТ: Халтараантан сэрэниҥ!

Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…

25 минут ago
  • Бэрээдэк
  • Уопсастыба

Аны кыбартыыраҕа радиаторы талбыккынан уларыппаккын

2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…

35 минут ago
  • Сонуннар
  • Уопсастыба

Эһиил Кэбээйигэ ыытыллар Олоҥхо ыһыаҕар бэлэмнэнии саҕаланна

2026 сылга Олоҥхо ыһыаҕа Кэбээйи улууһун  Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…

1 час ago
  • Сонуннар
  • Уопсастыба

Көтөр кириибин утары миэрэлэри күүһүрдэллэр

Сергей Местников "Противоэпизоотическай хамыыһыйа" мунньаҕын салайан ыытта. Манна бэтэринээрийэ өттүттэн куттала суох буолуу боппуруостарын көрдүлэр.…

1 час ago
  • Сонуннар
  • Уопсастыба

2026 сылга диэри педагогтар дипломнарын бэрэбиэркэлиэхтэрэ

Госдуумаҕа Билим уонна үрдүк үөрэхтээһин кэмитиэтэ сокуон барылынан көннөрүү ылынна. Ол курдук, чааһынай тэрилтэлэргэ эбии…

2 часа ago