Хаартыска: СӨ тыа хаһаайыстыбатын министиэристибэтин телеграм-ханаалыттан.
Бу күннэргэ РФ Тыа хаһаайыстыбатын министиэристибэтэ 2025 сыллааҕы «Агротуризм» граныгар кыайыылаахтары быһаарда.
Уопсайа 126 сайаапка киирбититтэн 92-тэ ааспыт. Саха сириттэн Мэҥэ Хаҥалас улууһун Хара нэһилиэгин олохтооҕо Егор Филиппов “Саха сылгыта” бырайыага бэлиэтэннэ. Пиэрмэр 2014 сылтан “Саҥа саҕалыыр пиэрмэр” граны ылан, үлэтин хайысхатын кэҥэтэн барбыт. 2018 сыллаахха сылгы баазатын туттубут. 2019 сыллаахха Егор Филиппов “Дьиэ сүөһүтүн ииттэр дьиэ кэргэн пиэрмэтэ” бырагыраамаҕа өйөбүл ылан, үлэтин саҥалыы тыыннаабыт. 2016 сылтан тыа сирин пиэрмэрэ туризм эйгэтигэр икки көрүҥнээх хайысханан үлэтин саҕалаабыт. Бастакыта, саха сылгытын туристарга билиһиннэрии уонна иккиһэ — сыыр оҥоруутугар маастар-кылаас ыытыы. Саха боруода сылгытын үөскэтиинэн уонна сыыры оҥорорун таһынан, Егор Филиппов үрүҥ аһы дэлэтиинэн, тигээйини үөскэтиинэн дьарыктанан, агротуризм хайысхатын элбэтэн иһэр. Былырыын «Айалаахха» 100-тэн тахса турист сылдьыбыт.
10 мөлүйүөн солкуобайдаах грант үбүн пиэрмэр ыалдьыт дьиэтин, баанньыгы, туристическай баазатын тупсарыыга туһаныаҕа. Маны таһынан, сылгы пиэрмэтигэр туристары сылы эргиччи сырытыннарарга анаан тиэхиньикэ атыылаһыаҕа. Пиэрмэр үлэтин өссө да кэҥэтэр былааннаах.
Куонкуруска кыттарыгар Егор Филипповка агропромышленнай комплекс ресурснай хааччыйыыга киинин исписэлиистэрэ көмөлөспүттэр.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…