Хаартыска: www.sakha.gov.ru саайтан.
Павловскай сэлиэнньэтин бибилэтиэкэтигэр Мэҥэ Хаҥалас улууһун “Аҕа дойдуну көмүскээччилэр” пуонда филиалын социальнай координатора Рената Спиридонова көҕүлээһининэн, “Биир дойдулаахтарбыт – Аҕа дойдуну көмүскээһиҥҥэ” патриотическай уруок буолан ааста. Үөрэнээччилэри кытта көрсүһүүгэ байыаннай дьайыы бэтэрээнэ Айнар Слепцову ыҥырдылар.
Кэпсэтии чэрчитинэн кини тус уопутуттан үллэһиннэ, Аҕа дойдуну көмүскээһин суолтатын, төрөөбүт дойду иннигэр ытык иэс, эппиэтинэс, ону тэҥэ, табаарыстар хардарыта көмөлөсүһүүлэрин, өйөбүллэрин суолтатын туһунан кэпсээтэ. Киһи майгыта-сигилитэ, дьиҥнээх доҕор олох уустук түгэннэригэр биллэр диэн бэтэрээн бэлиэтээтэ уонна инникитин төрөөбүт дойдуга туһалаах киһи буолар туһугар үөрэххитигэр кытаатыҥ диэн баҕа санаатын эттэ.
Социальнай координатор Рената Спиридонова бу курдук көрсүһүүлэр үүнэр көлүөнэни иитиигэ тугунан да кэмнэммэт суолталаахтарын бэлиэтиир.
“Оҕолорго бу курдук көрсүһүүлэр – миэстэтигэр сылдьыбыт дьонтон сулууспа, Аҕа дойдуга ытык иэс, таптал туһунан эт кулгаахтарынан истэр ураты кыахтара. Бу көннөрү уруок буолбатах, үүнэр ыччат төрөөбүт дойдутун сөпкө сыаналыырыгар, киэн туттарыгар сирдиир дьоруойу кытта илэ кэпсэтии” – диэн Рената Спиридонова этэр.
Бу туһунан Ил Дархан уонна Бырабыыталыстыба пресс-сулууспата суруйар.
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…
Саха сиригэр будулҕан туманнаах, күүстээх бытарҕан тымныылар тураллар. Ахсынньы 24 күнүгэр сарсыарда Өймөкөөн улууһугар салгын…