Хааартыска: «РеноДиал» пресс-сулууспата
Ол туһунан Мэҥэ Хаҥалас улууһун баһылыга Дмитрий Тихонов иһитиннэрдэ.
Сыл аайы СӨ Бырабыыталыстыбатын уонна улуус баһылыгын отчуоттарыгар олохтоохтор Диализ киинэ аһыллыытын туруорсаллар. Биһиги улууспутугар уонна уопсайынан Илин эҥэргэ ыарыһахтар ахсааннара сылтан сыл аайы элбээн иһэр. Кинилэр нэдиэлэҕэ үстэ-түөртэ бүөр терапиятын өҥөтүнэн туһаныахтарын наада. Онон кыһалҕаттан хаһаайыстыбаларын, дьиэлэрин-уоттарын, дьиэ кэргэттэрин хаалларан туран, Дьокуускайга көһөргө күһэллэллэр. Нэдиэлэҕэ түөртэ киин куоракка барааччылар эмиэ бааллар. Оттон суол хаайар кэмигэр хайдах буолаллар? Ол иһин, биһиги «РеноДиал» Диализ киинин салалтатыттан бу боппуруоска биһигини өйүүллэригэр көрдөспүппүт. Улуус дьаһалтата процедуралары оҥоруу ирдэбиллэригэр эппиэттиир дьиэни булбута. Онон Диализ киинэ атырдьах ыйыгар бэйэтин аанын арыйыаҕа. Ону сэргэ өрөспүүбүлүкэ атын улуустарыттан кэлэр эмтэнээччилэргэ гостиница тутуллар, —– диэтэ Дмитрий Иванович.
«Билигин Диализ киининэн буолуохтаах 333 кв. миэтэрэ иэннээх дьиэҕэ өрөмүөн үлэтин үгэнэ. Эмтэнээччилэр диализ процедуратын БМС полиһынан босхо ылыахтара. Киин диалиһы оҥорорго уонна ууну ыраастыырга аныгы аппарааттарынан сэбилэниэҕэ. Үлэһиттэр үөрэнэн, үлэлииргэ бэлэмнэр. Манна 10-15 куойка баар буолуоҕа. Илин эҥэр улуустарын (Амма, Чурапчы, Таатта, Уус Алдан) ыарыһахтара эмиэ диализ ылар кыахтаныахтара. Киин аһылыннаҕына, диализ процедуратыгар наадыйар эмтэнээччилэргэ барыларыгар көмөлөһөр кыахтанарбытыгар эрэнэбит», — диэн «РеноДиал» Диализ улуустар икки ардыларынааҥҕы киинин дириэктэрэ Прокопий Давыдов иһитиннэрдэ.
«РеноДиал»
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородуукталарынан мини-пиццалары астыыр ырысыабы кытта үллэстэбит. Пиццалар сыырдаах эбэтэр…