Хаартыска: ОДьКХ ГУП пресс-сулууспата
Мэҥэ Хаҥалас улууһун Балыктаах уонна Хапчаҕай сэлиэнньэлэригэр ОДьКХ ГУП инвестиционнай бырагырааматын чэрчитинэн икки чоҕунан оттуллар хочуолунай үлэҕэ киллэрилиннэ. Ол туһунан тэрилтэ пресс-сулууспатыгар иһитиннэрдилэр.
«Балыктаах-1» саҥа хочуолунай тэрилтэ филиалынан тутуллан, эргэрбит кыра кыамталаах квартальнай хочуолунайы солбуйуоҕа. Онно 4,6 МВт кыамталаах түөрт хочуолунай туруорулунна. Итини сэргэ өссө 55 чааһынай дьиэни холбуурга уонна 16 сир учаастагар диэри ититэр ситими тардарга кыах үөскээтэ.
Хапчаҕай сэлиэнньэтигэр 3,45 МВт кыамталаах хочуолунай судаарыстыбаннай бүдьүөккэ хос үбүлээһининэн тутулунна. Ону таһынан муниципальнай тэриллии көмөтүнэн олорор дьиэлэри ититэр ситимҥэ холбуур сыалтан 993 миэтэрэ уһуннаах ититэр ситимнэр тутуллубуттар.
Эбийиэктэри үөрүүлээхтик аһыы кэмигэр генеральнай дириэктэри бастакы солбуйааччы — ОДьКХ ГУП кылаабынай инженерэ Владимир Бондарь хочуолунайдар эрэллээхтик сылааһынан хааччыйалларын уонна олор кыамталара саҥа туһанааччылары холбуур кыахтаммытын бэлиэтээтэ.
«Сылааһынан хааччыйыы саҥа эбийиэктэрэ былырыыҥҥыттан үлэҕэ киирбиттэрэ. Онуоха эбии технологическай оборудование уонна инженернэй ситимнэр улахан хаалыыта суох холбоммуттар», — диэн тэрилтэ кылаабынай инженерэ иһитиннэрдэ.
Өлүөхүмэ оройуонугар «Хортуоппуй буума» күрэх түмүгүн таһаардылар диэн «Өлүөхүмэ» хаһыат ТГ-ханаала иһитиннэрэр. 1-кы Нөрүктээйи нэһилиэгиттэн…
Саха сирэ Сэбилэниилээх Күүстэр көдьүүстэрин үрдэтиигэ уонна байыастары өйүүргэ туһуламмыт бэйэтин оҥоһуктарын уонна инновационнай технологияларын…
Оҕолорго ананар биир кэлим босуобуйа тиийинэн олоруу алын кээмэйиттэн намыһаҕа суох буолуохтаах, оттон дьиэ кэргэн…
СӨ Ил Дархана Айсен Николаев өрөспүүбүлүкэ экэнэмиичэскэй сайдыытын хааччыйар суһал ыстаап президиумун уочараттаах мунньаҕын ыытта,…
Бүгүн -- Саха сирин былааҕын күнэ. 1992 сыллаахха алтынньы 14 күнүгэр 1158-XII нүөмэрдээх Ыйааҕынан бигэргэммитэ.…
Дьокуускайга Сайсары күөл мууһа халыҥаан, онно хаалбыт кустар хас да хонук устата дьон болҕомтотун тардар.…