Мэҥэ Хаҥалас улууһугар ититии сезона балаҕан ыйын 9 күнүттэн саҕаланыаҕа

Бу күннэргэ өрөспүүбүлүкэ улуустарыгар ититии сезона саҕаланан эрэр.

Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн, киин сылытыыга холбонуулаах федеральнай уонна олохтоох бас билии социальнай итиэннэ дьон олорор эбийиэктэрин ититии, СӨ ОДьКХ бирикээһинэн балаҕан ыйын 9 күнүттэн саҕаланыаҕа. Бүгүҥҥү күнтэн итиини ыытыыга боруобалыыр холбонуулар бэрэбиэркэлэниэхтэрэ. Билиҥҥи туругунан, улуус үрдүнэн 40 гааһынан оттуллар, 23 чоҕунан оттуллар хочуолунайдар холбонууга бэлэмнэр. Мэҥэ уонна Дойду нэһилиэктэригэр саҥа хочуолунайдар үлэҕэ киириэхтэрэ.