Мэҥэ Хаҥалас улууһугар култуура уонна успуорт эстэпиэтэтэ саҕаланна

Бу күннэргэ Мэҥэ Хаҥалас улууһугар сыл аайы ыытыллар култуура уонна успуорт эстэпиэтэтэ саҕаланна.

68-с төгүлүн ыытыллар суолталаах тэрээһин В.К. Степанов аатынан Култуура уонна успуорт кииниттэн саҕаламмыта. Мэҥэ Хаҥалас улууһун дьаһалтатын пресс-сулууспата иһитиннэрбитинэн, быйылгы эстэпиэтэ Баһылай Манчаары төрөөбүтэ — 220, Мэҥэ Хаҥалас улууһа төрүттэммитэ — 95 уонна Улуу Кыайыы 80 бэлиэ сылларыгар ананан, «Түмсүөҕүҥ, сомоҕолоһуоҕуҥ-эйэлээх олоҕу тутуоҕуҥ!» диэн девиһинэн ыытыллар.

Бэлиэ күн улуус баһылыга Дмитрий Тихонов тэрийэр хамыыһыйаҕа эстэпиэтэ былаахтарын үөрүүлээх быһыыга туттаран, «норуоту түмэр, көлүөнэни ситимниир үтүө түһүлгэҕэ саҥа ааттар, чаҕылхай талааннар, бастыҥтан бастыҥнар күөрэйдиннэр» диэн алҕаабыта. Эстэпиэтэ өрөгөй ырыатын бастакынан Төҥүлүлэр — Тараҕайга, Дьабыыллар — Баатараҕа уонна Ороссолуодалар — Моорукка дуораттылар.

Онон бу күннэргэ улуус олохтоохторо 68-с сааскы күнү көрсө, бары өрө көтөҕүллүүлээхтик култуура уонна успуорт эстэпиэтэтигэр көхтөөхтүк кытталлар.