Хаартыска -- Мэҥэ Хаҥалас улууһун дьаһалтатын пресс-сулууспата
Сэбиэскэй кэм саҕана өрөспүүбүлүкэ бары оройуоннарыгар, нэһилиэктэригэр оттооһун үгэннээн турар кэмигэр агитбиригээдэлэр оттуур ходуһаларынан, пиэрмэлэринэн сылдьан, сибиэһэй хаһыаттары аҕалаллара, оттооһун хаамыытын билиһиннэрэллэрэ уонна үлэ дьонун кэнсиэрдээх сэргэхситэллэрэ.
Оннук култуурунай-сырдатар тэрээһиннэри быйыл Мэҥэ Хаҥалас улууһунааҕы култуура управлениетын үлэһиттэрэ от ыйын 11 күнүттэн айар агитбиригээдэ тэринэн, нэһилиэктэри кэрийэн, үлэ дьонун сэргэхситэ сылдьаллар.
Суолталаах тэрээһин — «Мин дууһам ыллыыр» диэн айар айан саха тыллаах кутун туппут, айылҕаттан айдарыылаах ырыаһыт, мелодист Валерий Ноев төрөөбүтэ 85 сылын чэрчитинэн ыытыллар.
Култуура үлэһиттэрэ «Тумул» ТХПК Эбэ түгэҕэ сайылыгар, 1-кы Баатара, 2-с Тыыллыма, 1-кы Тыыллыма, Мэлдьэхси, Баатара, Моорук, Бүтэйдээх нэһилиэктэригэр сырыттылар. Олохтоохтор сэргэхсийэн, күннээҕи түбүктэн сынньанан, үлэ дьонун үлэҕэ көҕүлүүр уостан түспэт ырыалардаах тыыннаах доҕуһуолунан кэнсиэрдэри бэркэ кэрэхсээтилэр.
Маны тэҥэ, И.М. Сосин аатынан улуустааҕы кииннэммит бибилэтиэкэ уонна Р.Г. Васильев аатынан кыраайы үөрэтэр түмэл Валерий Ноев айар үлэтин, духуобунай нэһилиэстибэтин сырдатар быыстапкалары туруордулар, араас маастар-кылаастар, нэһилиэнньэни кытта санаа атастаһыыта буолла.
Улуустааҕы култуура уонна духуобунай сайдыы салалтата айар айан түмүгүнэн Валерий Ноев «Мин дууһам ыллыыр» ырыатыгар хомуур килииби оҥорон таһаарыахтара.
Ити курдук, мэҥэлэр биир дойдулаахтара Валерий Ноев олоҕун, айар үлэтин, сырдык аатын үйэтитэр, үбүлүөйдээх сылын бэлиэтиир сыаллаах «Мин дууһам ыллыыр» айар кэлэктиип үтүө хамсааһынын дьон-сэргэ бэркэ сэҥээрдэ, биһирээтэ.
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…