Салгыы
Мэҥэ Хаҥалас улууһугар Кыайыы күнүн көрсө

Мэҥэ Хаҥалас улууһугар Кыайыы күнүн көрсө

07.05.2024, 09:30
Хаартыска Мэҥэ Хаҥалас улууһун дьаһалтатын пресс-сулууспатыттан
Бөлөххө киир:

Саха сирин үрдүнэн Улуу Кыайыы 79 сылын көрсө араас тэрээһиннэр ыытыллаллар. Кыайыы күнүн тэрээһиннэрин, мэлдьи буоларын курдук, дьон-сэргэ бэрт сэргэхтик, өрө көтөҕүллэн көрсөр.

Быйыл Мэҥэ Хаҥалас улууһугар Улуу Кыайыы күнүгэр аналлаах миитиннэр, эстэпиэтэлэр, күрэстэр, куонкурустар, эҕэрдэ кэнсиэртэр, араадьыйанан биэриилэр, ону сэргэ «Өйдөбүнньүк чүмэчи», «Кыайыы түннүгэ», «Тиэргэнинэн ыллыыбыт» бүтүн Арассыыйатааҕы аахсыйалар ыытыллаллар.

Бу күннэргэ улуус дьаһалтата нэһилиэнньэҕэ анаан, үтүө үгэскэ кубулуйбут, норуот сэҥээриитин ылбыт «Өлбөт үйэлээх полк» уонна «Кыайыы түннүгэ» бүтүн Арассыыйатааҕы хамсааһыҥҥа Кыайыыны уһансыбыт эһэлэрин, эбэлэрин сырдык ааттарыгар, хорсун быһыыларыгар сүгүрүйэн, онлайн көрүҥүнэн көхтөөхтүк кытталларыгар ыҥырар.

Киирбит хаартыскалары ыам ыйын 9 күнүгэр улуус дьаһалтатын социальнай ситимнэригэр видео аккырыыкка быһыытынан көрдөрөргө былаанныыллар.

Онон улуус дьаһалтатын пресс-сулууспата Мэҥэ Хаҥаластан төрүттээх дьон аахсыйаҕа кыттыһан mk_pressa@mail.ru электроннай почтаҕа ыытаргытыгар көрдөһөр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 июня
  • 12°C
  • Ощущается: 12°Влажность: 87% Скорость ветра: 2 м/с

Сообщить об опечатке

Текст, который будет отправлен нашим редакторам: