Хаартыска: Дмитрий Тихонов ТГ-ханаалыттан.
Бу күннэргэ «Сахатранснефтегаз» тэрилтэ генеральнай дириэктэрэ, норуот дьокутаата Алексей Колодезников, тэрилтэ сүрүн инженерин солбуйааччы Петр Данилов учуонай В.П. Ларионов төрөөбүт дойдутугар, 1-кы Тыыллыма нэһилиэгэр гаас ситимэ тардыллыы олоххо киллэриигэ туһуламмыт үлэ хаамыытын билистилэр.
Бу туһуна улуус баһылыга Дмитрий Тихонов бэйэтин ТГ-ханаалыгар сырдатта:
— Быйыл 27 чааһынай дьиэ уонна балыыһа күөх төлөҥҥө холбонуохтара. Салгыы олохтоохтор сайаапкаларыгар олоҕуран, гаас киириитигэр үлэ ыытыллыаҕа. Бүгүҥҥү туругунан бэдэрээччит Александр Намын салайааччылаах «Стандарт-14” ХЭТ үлэни болдьоҕун иннинэ түмүктээн эрэр.
Салгыы Хара нэһилиэгэр «Майа алааһа», Майа сэлиэнньэтигэр элбэх оҕолоохторго бэриллибит «Маамыкаан» саҥа кыбаарталлары көрдүбүт. Бу учаастактарга дьиэ-уот тутуллан, гаас ситимэ киириитин туһунан сүбэлэстибит. Ону тэҥэ «Кыайыы Аартыга» монумеммыт үлэтэ быйыл түмүктэнэринэн, мэлдьи умайар өйдөбүнньүк уот гаас ситимигэр холбонуутун быһаарыстыбыт. Быйылгы дьылга сахалартан бастакы Сэбиэскэй Сойуус Дьоруойа Федор Кузьмич Попов дойдутугар Баатараҕа күөх төлөн умайыаҕа. Бу үлэлэр Ил Дархан Айсен Николаев сорудаҕар олоҕуран, «Сахатранснефтегаз» тэрилтэ салайааччыта Алексей Колодезников салалтатынан ыытыллаллар.
Инникитин даҕаны улууспут атын нэһилиэктэригэр салгыы гаас утаҕа тиийэригэр үлэлиэхпит. Хас биирдии дьиэ кэргэн алаһа дьиэтэ сылааһынан туоллун, дьоммутугар-сэргэбитигэр чэгиэн-чэбдик туругу, таһаарыылаах үлэни, эйэлээх халлааны, этэҥҥэ буолууну баҕарабын!
Сиһилии @dmitriytikhon0v телеграм ханаалыгар билсиҥ.
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…