Хаартыска СӨ Үлэҕэ уонна социальнай сайдыыга министиэристибэтиттэн
Бэҕэһээ, муус устар 11 күнүгэр, Мэҥэ Хаҥалас улууһун Матта сэлиэнньэтигэр умнуллубат бэлиэ күн буолла.
Манна кырдьаҕастарга уонна инбэлииттэргэ 51 куойка-миэстэлээх интэринээт-дьиэни тутуохтара. Бырайыак «Аҕам саастаах көлүөнэ» федеральнай бырайыагы олоххо киллэрии иитинэн оҥоһуллубут.
«Аҕам саастаах көлүөнэҕэ судаарыстыба, уопсастыба улахан болҕомтотун, кыһамньытын уурар. Ытык дьоммут кырдьар саастарыгар тупсаҕай усулуобуйаҕа олороллорун ситиһиэхтээхпит«, — диэн этэн турар Ил Дархан Айсен Николаев.
Икки мэндиэмэннээх дьиэ олорор уонна уопсай блоктардаах. Олорор сирдэригэр 1,2 миэстэлээх, кэлээскэнэн сылдьан инбэлииттэргэ иккилии миэстэлээх хостор былааннаналлар. Уопсай блокка аактабай, физкултууралыыр саалалар, бибилэтиэкэ, куруһуоктар ыытыллар хосторо баар буолуохтара.
Бэдэрээччит — бөдөҥ тутууларынан дьарыктанар, ол иһигэр өрөспүүбүлүкэҕэ социальнай эбийиэктэри тутар «Электромонтаж» ХЭУо.
«РФ Бэрэсидьиэнэ Владимир Путин, РФ Бырабыыталыстыбатын, РФ Үлэҕэ министиэристибэтин уонна Ил Дархан Айсен Николаев өйөбүллэринэн, «Аҕам саастаах көлүөнэ» федеральнай бырайыагынан, 2005 сыллаахха бу кэрэ миэстэҕэ интэринээт-дьиэ аана арыллыа. Туораттан көмөҕө, көрүүгэ-истиигэ наадыйар кырдьаҕастар уонна доруобуйаларыгар хааччахтаах дьон, манна болҕомто киинигэр сылдьыахтара диэн эрэнэбин«, — диэтэ СӨ Үлэ уонна социальнай сайдыыга миниистирэ Елена Волкова.
СӨ Ил Дарханын уонна Бырабыыталыстыбатын пресс-сулууспата
Хаартыска СӨ Үлэҕэ уонна социальнай сайдыыга министиэристибэтиттэн
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…
Өрөспүүбүлүкэтээҕи 2 нүөмэрдээх балыыһа-Мэдиссиинэ суһал көмөтүн киинин хирургияҕа мобильнай киинэ Булуҥ улууһун Оройуоннааҕы киин балыыһатыгар…
Бастатан туран, оҕолор уонна ыччат билимҥэ, чинчийэр үлэҕэ интэриэстэрин тардар сыалтан Саха сиригэр сыл аайы…