Мэҥэ Хаҥалас улууһун дьаһалтатын пресс-сулууспата
Мэҥэ Хаҥалас улууһугар дойду үрдүнэн үлэлиир «Социальнай гаастааһын» федеральнай бырагыраама чэрчитинэн ыытыллар үлэ көхтөөхтүк барар.
Ол курдук, дьаһалта улуустааҕы пресс-сулууспата иһитиннэрбитинэн, 2022 сыллаахтан социальнай гааһынан 510 дьиэ хааччыллыбыт. Быйыл бырагыраама нөҥүө 159 сайаапка киирбит. Былааҥҥа 187 дьиэни гааһынан хааччыйар сорук турар. Бүгүҥҥү күҥҥэ бырагыраама чэрчитинэн 12 дьиэҕэ күөх төлөн холбоммут. Бырагыраамаҕа олоҕуран, учаастакка диэри гаас ситимэ босхо тардыллар. Дьиэҕэ диэри тардыы төлөбүрүн хаһаайыттар бэйэлэрэ уйуналлар. Саха сирин чэпчэтиинэн туһанар олохтоохторугар социальнай гаастааһын бырагыраама таһынан, дьиэҕэ диэри гаас ситимин тардыыга 150 000 солкуобайдаах көмө көрүллэр.
Бу өҥөнөн Аҕа дойду сэриитин бэтэрээннэрэ, огдооболоро, тыыл бэтэрээннэрэ, байыаннай дьайыы бэтэрээннэрэ, кинилэр дьиэ кэргэттэрэ, Ленинград блокадатын кыттыылаахтара, элбэх оҕолоох дьиэ кэргэттэр, тиийинэн олоруу алын кээмэйин 1,5 төгүл ылбыттан кыра дохуоттаах дьон, үлэлээбэт, соҕотох олорор биэнсийэлээхтэр дохуоттара тиийинэн олоруу алын кээмэйин 2 төгүл ылбыттан кыра буоллаҕына, ону тэҥэ Арассыыйа байыаннай сулууспалаахтара, анал байыаннай дьайыы кыттыылаахтара уонна кинилэр дьиэ кэргэттэрэ туһанар кыахтаахтар.
Ирдэнэр докумуоннар: паспорт, үлэ киниискэтэ, дьиэ кэргэн үс ыйдаах дохуотун көрдөрөр ыспыраапка, олорор дьиэни бас билии докумуона, олох-дьаһах усулуобуйатын көрүү аактата, гаас тардыллыытын бырайыактыыр-сметалыыр докумуона, холбонуу тиэхиньиичэскэй усулуобуйата.
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…
Нассынаалынай байыаннай оскуоланы бүтэрбит сержант Семен Петрович Жирков төрөөбүт-үөскээбит Намыгар тахсан 1939-1941 сылларга байыаннай остуол…
Арыгы организмҥа буортутун бары билэр курдукпут. Бу аһыы утах элбэх уорганы сүһүрдэриттэн чуолаан сүрэх үлэтигэр…
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Халлаан тымныйан, биһиги курдук дьон дьиэҕэ хаайтарар кэммит кэллэ. Хаарыан өрөбүлүм таах хаалаары гынна, сырдык…
Түүл туһунан тугу билэбитий? Киһи түүлүн 90 бырыһыанын умнар уонна 10 бырыһыанын эрэ өйдөөн хаалар.…