Мэҥэ Хаҥалас улууһугар сотору балыыһа комплекстара үлэҕэ киириэхтэрэ

Бүгүн, атырдьах ыйын 12 күнүгэр, өрөспүүбүлүкэҕэ саҥа тутулла турар балыыһа эбийиэктэрин хонтуруоллуур былаан чэрчитинэн Мэҥэ Хаҥалас улууһугар СӨ  доруобуйа харыстабылын миниистирин солбуйааччы Татьяна Павлова тутулла турар эбийиэктэри кытта билистэ.

Улууска Аллараа Бэстээх бөһүөлэгэр учаастактааҕы  балыыһа уонна Майа сэлиэнньэтигэр 33 сытар миэстэлээх балыыһа комплекса тутулла тураллар.  Улуус дьокутааттарын Сэбиэтин бэрэссэдээтэлэ Иннокентий Андросов, улуус баһылыгын тутуу боппуруостарыгар солбуйааччы Василий Филиппов, оройуоннааҕы киин балыыһа кылаабынай бырааһын солбуйааччы Наталья Федорова, хаһаайыстыбаннай чаас сэбиэдиссэйэ Николай Попов салайааччыны кытта сылдьан, үлэ хаамыытын кытта билиһиннэрдилэр.

Мэҥэ Хаҥалас улууһун дьаһалтатын пресс-сулууспата иһитиннэрбитинэн, тутууну көрбүт-истибит салалта бэдэрээччиттэргэ эбийиэктэр хаачыстыбаларыгар болҕомтону ууралларыгар, үлэ кыраапыгын болдьоҕун тутуһан туттаралларыгар соруйдулар.