Мэҥэ Хаҥалас улууһугар суолга киһи өлүгүн булбуттар

«Мүрү» суолга муус устар 7 күнүн түүнүгэр киһи өлүгүн булбуттар.

Мэҥэ Хаҥалас оройуонун Госавтоинспекцията иһитиннэрэринэн, сатыы киһини массыынанан түҥнэри көппүттэр уонна саахал тахсыбыт мисэтэтиттэн куоппуттар. Эр киһи өлүгэ «Мүрү» суол 57-с км, Төҥүлү сэлиэнньэтиттэн 3 км тэйиччи, көстүбүт. Бу туһунан иһитиннэрии түүн 01:45 чааска бэнидиэнньиккэ дьуһуурунай чааска киирбит.

Билигин быһылаан төрүөтүн быһаараллар. Госавтоинспекция сулууспата туоһулары сибээскэ тахсалларыгар ыҥыраллар. Видеорегистратордар видеоларын Госавтоинспекция отделениетыгар туталлар. Аадырыһа: Аллараа Бэстээх, Дорожниктар уул., 9/1 дьиэ. Итини таһынан ханнык баҕарар иһитиннэриини төлөпүөнүнэн биэриэххэ сөп: (41143) 4-71-71 уонна (41143) 4-79-40.