Хаартыска -- Дмитрий Тихонов телеграм-ханаалыттан
2024 сыл үүнээтин кытта тохсунньу 2 күнүгэр Мэҥэ Хаҥалас улууһун баһылыга Дмитрий Тихонов сарсыардаттан Аркадий Лукин салайааччылаах «Чүүйэ» МУТ пиэрмэтигэр тиийэн үлэни-хамнаһы кытта билистэ.
«Улуус экэниэмикэҕэ салаатын салайааччыта Екатерина Павлова, тыа хаһаайыстыбатын салаатын салайар Иннокентий Семенов, урбаанньыт Максим Забровскай буолан, кыстык хаамыытын билсэр соруктаах тиийэн, үлэһиттэри кытта көрүстүбүт. Быйыл хаһаайыстыбаҕа 256 төбө ынах сүөһү кыстаан турар. Бүгүҥҥү күҥҥэ 32 ынах этэҥҥэ төрөөбүт. Үлэһиттэр саҥа төрөөбүт тиҥэһэлэргэ үүт киллэрэр инниттэн күҥҥэ биэстэ ыан ньирэйдэрин аһаталлар, итиэннэ ордугун туттаран эрэллэр. Кэлэктиипкэ барыта 15 киһи үлэлиир, үксэ уопуттаах, хара үлэни билбит дьон. Ол эрээри үлэһит илии тиийбэтэ — биир кыһалҕа. Ону быһаарар инниттэн саҥалыы толкуйунан үлэҕэ сыһыаны уларытан, оҥорон таһаарыыны үрдэтэн, дьоммутугар үрдүк хамнас төлүүр усулуобуйаны тэрийиэхтээхпит. Бу тэрилтэ улууспут олохтоохторун үрүҥ аһынан хааччыйарга биир тирэх хаһаайыстыба буоларын ситиһиэхтээхпит. Кыстык этэҥҥэ баран иһэр. Екатерина Андреевна ынах ыан, оҕо сааһын санаан ылла, Иннокентий Егорович, Максим Дмитриевич хотон үлэтин эдэр эрдэхтэриттэн билэр буолан, эмиэ дуоһуйа үлэлээтилэр.
Мэҥэ Хаҥалас улууһугар быйыл Тыа хаһаайыстыбатын иккис сыла салҕанар. Улууһум дьонугар-сэргэтигэр инникитин даҕаны түмсүүлээх үлэбитинэн өссө үрдүк ситиһиилэри, быйаҥнаах дьылы, бигэ туругу баҕарабын. Хороҕор муостаахпыт, сыспай сиэллээхпит үксүү турдун!» — диэн бэйэтин @dmitriytikhon0v телеграм-ханаалыгар сырдатар улуус баһылыга Дмитрий Тихонов.
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…