Мэҥэ Хаҥаласка улуус дьаһалтатын исписэлиистэрэ сынньалаҥ хостоннулар

Олохтоох бэйэни салайыныы күнэ бүгүн, муус устар 21 күнүгэр, бэлиэтэнэр.

Бу бэлиэ күнүнэн сибээстээн, улуус дьаһалтатын үлэтин тэрийэр уонна үлэһиттэрин салайар салаа исписэлиистэрэ кэлэктиипкэ анаммыт сынньалаҥ хоһу оҥорон бэлэх ууннулар.

Хараҕы сымнатар, киһини сынньатар от күөх өҥ, массаастыыр кириэһилэ, дьоҕус фонтан, сымнаҕас олбох – сылайбыт киһини уоскутарга анаммыт хос.  Манна эбэн кэбис нарын муусука, үрүйэ чурулуур тыаһын, чыычаах ырыатын, дыргыйар сибиэһэй от сытын…

Дьаһалта үлэһиттэрэ түбүктээх үлэ кэмигэр бириэмэни сөпкө аттарынан сынньанан, уоскуйан ыларга бэрт хос тэриллибитин  үөрэн этэн, бэлиэтээн туран, истиҥ махталларын тиэртилэр.

Бу туһунан улуустааҕы пресс-сулууспа дьаһалтаьа ТГ-ханаалыгар иһитиннэрдэ.

Хаартыскалар, видео:  Мэҥэ Хаҥалас улууһун дьаһалтатын пресс-сулууспатыттан