Хаартыска: Дмитрий Тихонов ТГ-ханаалыттан.
Бу күннэргэ Мэҥэ Хаҥалас улууһун оҕолорун тустууга сүүмэрдэммит хамаандата Гомель куоракка Белоруссия сүүмэрдиир хамаандатын кытта бииргэ эрчиллэ, уопут атастаһа, сбордана сылдьаллар.
Арассыыйаттан саха оҕолорун кытта Пермь, Татарстан, Калининград, Коми эдэр спортсменнара эрчиллэллэр.
«Икки күрэхтэһиигэ кыттан, уолаттарбыт куһаҕана суох көрдөрүүнү ситистилэр. Ньургун Скрябин, Силин Власов, Константин Колесов салалталарынан барыта 24 оҕо: Хара оскуолатыттан — түөрт, Аллараа Бэстээхтэн — сэттэ, Майа сэлиэнньэтиттэн- аҕыс, Доллуттан — үс, Хорообуттан уонна Нөөрүктээйиттэн биирдии бөҕөс сүүмэрдэнэн барбыттара. Өрөспүүбүлүкэ күнүн бэлиэтээн, оҕолорбут Белоруссия Лоев куоратыгар «Днепр иһин охсуһуу» түмэлгэ, Лоевскай оройуон Деражичи дэриэбинэтигэр бырааттыы көмүллүүгэ хараллан сытар сахалартан бастакы Сэбиэскэй Сойуус Дьоруойа Федор Кузьмич Попов уҥуоҕар сылдьан сүгүрүйдүлэр.
Дьоруой Федор Кузьмичка уонна Аҕа дойду сэриитин буойуннарыгар аналлаах мемориалы илэ харахтарынан көрдүлэр, тыыннаах сибэкки уурдулар. Оҕолорбут эт-хаан өттүнэн эрэ буолбакка, өй-санаа, историяны билии, атын омук биир саастыы оҕолору кытта алтыһан, доҕордоһон, инники олохторугар бигэ тирэхтээх, киэҥ билиилээх, төрөөбүт дойдуларыгар бэриниилээх, сайдыылаах дьон буолан тахсалларыгар маннык сырыы, биллэн турар, улахан суолталаах.
Тириэньэрдэрбитигэр оҕолор бары өттүнэн сайдыылаах буолалларыгар туһулаан ыытар эппиэттээх үлэлэригэр ситиһиилэри баҕарыаҕыҥ» диэн суруйар ТГ-ханаалыгар улуус баһылыга Дмитрий Тихонов.
“Саха сирэ – Дьоруойдар дойдулара" каадыр бырагырааматын кыттыылааҕа уонна СӨ Уу хаһаайыстыбатын уонна халаан содулларын…
Атырдьах ыйын 1-2 күннэригэр Амма улууһун киинигэр “Төрүт түөлбэм төлкөтө” диэн уопсастыбанньыктар пуорумнара ыытыллар. Бу…
Биирдии киилэ моркуобу, помидору, луугу итиэннэ киилэ аҥара биэрэһи, 300 г петрушканы, биир оччо укуруобу…
Бу күннэргэ оройуоҥҥа доруобуйа харыстабылын министиэристибэтиттэн эмчиттэр бөлөхтөрө үлэлии сылдьар. Бу туһунан улуустааҕы"Хотугу сардаҥа" хаһыат…
Бу күннэргэ өбүгэ ньыматынан сахалыы эмтиир Виктор Кривошапкин үбүлүөйдээх 65 сааһын бэрт уратытык бэлиэтээтэ. Сахалыы…
Индигиир өрүс алдьатыылаах халаанын кэнниттэн Өймөкөөн улууһун нэһилиэктэригэр чөлүгэр түһэрии үлэтэ тэтимнээхтик бара турар. Улууска…