Петербурдааҕы норуоттар икки ардыларынааҕы гаас пуорумун кэмигэр, алтынньы 9 күнүгэр, Лоомтука сэлиэнньэтигэр гаас киириитин үөрүүлээх түгэнэ буолла.
Видеоконференцсибээһинэн бөһүөлэк иһинээҕи гаас ситимин РФ энэргиэтикэҕэ миниистирэ Сергей Цивилев, “Газпром” ПАУо бырабылыанньатын бэрэссэдээтэлэ Алексей Миллер, Саха Өрөспүүүбүлүкэтин Ил Дархана Айсен Николаев үлэҕэ киллэрдилэр. Үөрүүлээх түгэн Гаастааһын Бүтүн Арассыыйатааҕы эстэпиэтэтин кэмигэр буолла.
Энэргиэтикэ миниистирэ Сергей Цивилев 2021-2025 сс. Арассыыйа Федерациятын гаастааһыҥҥа бэрэсидьиэн бырагырааматын бастакы түһүмэҕин түмүгүн таһаарда уонна “Газпром” хамаандатыгар уонна эрэгийиэн былаастарыгар махтанна. Миниистир бу кэм устата дойду үрдүнэн 92 тыһ. гаас ситимэ тутуллан, 1974 нэһилиэнньэлээх пууҥҥа гаас киирбитин эттэ.
“Бу дьиэлэргэ сылаас буолуута, туох-ханнык иннинэ балыыһаларга, ФАП-тарга, оскуолаларга, көдьүүстээх, куттала суох оттук”, — диэтэ кини.
“Бүгүн Саха сиригэр ураты күн. Гаас Лоомтука сэлиэнньэтигэр кэллэ. 7 килэмиэтиртэн тахса гаас ситимэ тутулунна, икки сүүс дьиэ холбонор кыахтанна”, — диэтэ Айсен Николаев уонна Алексей Борисович Миллерга, “Газпром” ПАУо, “Сахатранснефтегаз” АУо махтанна.
Лоомтуканы холбооһун 2021-2030 сс. Саха Өрөспүүбүлүкэтин нэһилиэнньэлээх пууннарын гастааһын эрэгийиэннээҕи бырагырааматынан оҥоһуллубут. Онон 200 дьиэни холбуурга кыах үөскээбит, итинтэн 29-гар быйыл гаас киириэҕэ.
Лоомтукаҕа күөх төлөн Петровка сэлиэнньэтиттэн кэлиэҕэ, бу уопсай уһуна 14,9 км, бөһүөлэк иһинээҕитэ – 7352 миэтэрэр “Газпром газификация” ХЭТ инвестордаата. Тутар-таҥар үлэ кээмэйэ 58 мөл солкуобайга тэҥнэһэр.
Санаттахха, Петербурдааҕы норуоттар икки ардыларынааҕы гаас пуорума алтынньы 7 күнүгэр саҕаламмыта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/13448
Быйыл сайын итирик туруктаах сылдьыбыт эр киһи күлүгээнниир сыалтан суолга патруллуур сулууспа “УАЗ Патриот” массыынатын…
Күһүн буолан, тумуу, дьаҥ элбээтэ. Ыалдьыбат туһуттан, туһалаах, тумууттан харыстыыр арыыны оҥостон сииргитигэр сүбэлиибит. …
СӨ Үлэҕэ уонна социальнай сайдыыга министиэристибэтэ оҕолоох ыалларга төлөбүр иэһин сабыыга киирбит үбүнэн, 2025 сыл…
Аан дойдуга аатырбыт бешамель тума оҥоһуллуута биһиги саламааппытыгар маарынныыр. Бу тума аһы олус тупсарар. Үгүс…
Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны…
СӨ Судаарыстыбаннай Мунньаҕа (Ил Түмэн) өрөспүүбүлүкэ Төрүт Сокуонун балаһыанньаларын Россия сокуоннарыгар сөп түбэһиннэрэргэ туһуламмыт уларытыылары…