Хаартыска: sakha.gov.ru
Аграрийдарга анаан Хотугу сир усулуобуйатыгар «өйдөөх тыа хаһаайыстыбата» концепциятын олоххо киллэрэр ураты бырайыак саҕаланна.
Е.Д. Кычкин аатынан Матта орто оскуолатыгар сылы быһа оҕуруот аһын үүннэрэр инновационнай агролаборатория үөрүүлээх арыллыыта буолла. Бу туһунан СӨ Тыатын хаһаайыстыбатын министиэристибэтэ иһитиннэрэр.
18 кв.м. иэннээх тэпилииссэ видеонан кэтэбил тиһигинэн хааччыллыбыт, килиимэти хонтуруоллуур датчиктардаах уонна таймердаах таммалатан уу кутар систиэмэлээх толору автоматизированнай тэпилииссэ туруорулунна. Билигин манна 75 үүнээйи көрүҥэ үүннэриллэр — сыллааҕы үүнүүтэ 1500 киилэҕэ тиийэр оҕуруот аһа.
«Бүгүн аныгы технологиялары кытта үлэлии үөрэнэр оскуола оҕолоро сарсын Саха сирин агробырамыысыланнай комплексыгар үрдүк квалификациялаах исписэлиистэрэ буолуохтара диэн эрэллээхпин», – диэн өрөспүүбүлүкэ Тыатын хаһаайыстыбатын уонна ас-үөл бэлиитикэтин миниистирин солбуйааччыта Сахаяна Павлова бэлиэтээтэ.
АГАТУ «АПК технологическай системалара» кафедратын сэбиэдиссэйэ, тиэхиньиичэскэй билим хандьыдаата Юрий Дондоков этэринэн, маннык лаборатория сүрүн барыстаах өрүтэ – Саха сирин тыйыс тымныылардаах кыһыныттан тутулуга суох оҕуруот аһын сылы быһа үүннэрии кыаҕы биэрэр. Итиэннэ оскуола оҕолоро үүнээйилэри көрүүгэ-харайыыга сыаната биллибэт уопуту ылаллар.
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Саха сиригэр араас эрэгийиэннэртэн, ону ааһан тас дойдулартан туристар бөлөҕүнэн, биирдиилээн кэлэ тураллар. Швейцарияттан кэлбит…
Бу нэдиэлэ Күрүлгэн бэлиэтиттэн Балыктар бэлиэтигэр көһөр. Ол аата харчыга сыһыаннаах боппуруостарга бастаан "саҥа сүүрээннэр",…