Салгыы
Мэҥэ Хаҥалас улууһун Маттатыгар оҕолор төрүт үгэстэрин үөрэтэллэр

Мэҥэ Хаҥалас улууһун Маттатыгар оҕолор төрүт үгэстэрин үөрэтэллэр

14.12.2022, 15:12
Бөлөххө киир:

Мэҥэ Хаҥалас улууһун Егор Кычкин аатынан Матта орто оскуолатыгар өбүгэ үгэстэрин, култууратын, абыычайын үөрэтиигэ ураты болҕомто ууруллар.

Бу туһунан орто оскуола иһинэн үлэлиир «Куорсун» пресс-киин эдэр кэрэспэндьиэнэ,  8-с кылаас үөрэнээччитэ Даяна Кычкина маннык кэпсиир:

Соторутааҕыта оскуолабытыгар Хомус уонна Олонхо күнүн чэрчитинэн биһиги биир дойдулаахпыт, Мэҥэ Хаҥалас Сыымаҕыттан төрүттээх  артыыс, суруйааччы Гаврил Колесов 90 сааһыгар аналлаах быыстапкаҕа кытынныбыт.  Уруоктар быыһык тохтобулларыгар  Гаврил Колесов пластинкаҕа толоруутун оскуола араадьыйатынан  истэн, бары олоҥхо  дойдутугар “тиийэ сырыттыбыт”. Сахалыы таҥнан учууталлыын, үөрэнээччилиин «Дьулуруйар Ньургун Боотур олонхо» киинэни көрөн баран, олонхо дойдутун туһунан  Былатыан Ойуунускай олоҥхотун сэҥээрэн иһиттибит. 9-с уонна 10-с кылаас үөрэнээччилэрэ Гаврил Колесов 90 сааһыгар аналлаах дьоро тэрээһини тэрийэн, олоҕун сырдаттылар. Өрөспүүбүлүкэ ытыктыыр дьоно биһиги төрөөбүт улууспутугар  үөскээбиттэринэн, биир дойдулаахтарбыт тустарынан элбэҕи билэрбит, төрөөбүт дойдубутунан, Ытык Мэҥэбитинэн киэн туттууну саҕар. Бу маннык тэрээһиннэр биһиги төрүт үгэстэрбитин билэргэ, үөрэтэргэ көҕүлүүллэр.

Ити курдук, Ийэ дойдуга бэриниилээх буолууга оҕону оскуолаттан иитии олус улахан оруоллааҕын бу маннык тэрээһиннэр буолаллара уонна оҕолор онно көхтөөтүк кытталлара туоһулуур.

Бары сонуннар
Салгыы
9 февраля
  • -46°C
  • Ощущается: -46°Влажность: 65% Скорость ветра: 0 м/с

Сообщить об опечатке

Текст, который будет отправлен нашим редакторам: