Мэҥэ Хаҥалас улууһун Егор Кычкин аатынан Матта орто оскуолатыгар өбүгэ үгэстэрин, култууратын, абыычайын үөрэтиигэ ураты болҕомто ууруллар.
Бу туһунан орто оскуола иһинэн үлэлиир «Куорсун» пресс-киин эдэр кэрэспэндьиэнэ, 8-с кылаас үөрэнээччитэ Даяна Кычкина маннык кэпсиир:
— Соторутааҕыта оскуолабытыгар Хомус уонна Олонхо күнүн чэрчитинэн биһиги биир дойдулаахпыт, Мэҥэ Хаҥалас Сыымаҕыттан төрүттээх артыыс, суруйааччы Гаврил Колесов 90 сааһыгар аналлаах быыстапкаҕа кытынныбыт. Уруоктар быыһык тохтобулларыгар Гаврил Колесов пластинкаҕа толоруутун оскуола араадьыйатынан истэн, бары олоҥхо дойдутугар “тиийэ сырыттыбыт”. Сахалыы таҥнан учууталлыын, үөрэнээччилиин «Дьулуруйар Ньургун Боотур олонхо» киинэни көрөн баран, олонхо дойдутун туһунан Былатыан Ойуунускай олоҥхотун сэҥээрэн иһиттибит. 9-с уонна 10-с кылаас үөрэнээччилэрэ Гаврил Колесов 90 сааһыгар аналлаах дьоро тэрээһини тэрийэн, олоҕун сырдаттылар. Өрөспүүбүлүкэ ытыктыыр дьоно биһиги төрөөбүт улууспутугар үөскээбиттэринэн, биир дойдулаахтарбыт тустарынан элбэҕи билэрбит, төрөөбүт дойдубутунан, Ытык Мэҥэбитинэн киэн туттууну саҕар. Бу маннык тэрээһиннэр биһиги төрүт үгэстэрбитин билэргэ, үөрэтэргэ көҕүлүүллэр.
Ити курдук, Ийэ дойдуга бэриниилээх буолууга оҕону оскуолаттан иитии олус улахан оруоллааҕын бу маннык тэрээһиннэр буолаллара уонна оҕолор онно көхтөөтүк кытталлара туоһулуур.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…