Хаартыска: Мэҥэ-Хаҥалас улууһун пресс-сулууспата.
Бу күннэргэ Мэҥэ Хаҥалас улууһугар «Сахатранснефтегаз» АУо эппиэттээх үлэһиттэрэ гаас утаҕын тардыы ыытылла турар нэһилиэктэригэр үлэ хаамыытын билистилэр.
Ол курдук, «Сахатранснефтегаз» АУо кылаабынай инженерин солбуйааччы Пётр Данилов, улуус баһылыгын тутуу боппуруостарыгар солбуйааччы Василий Филиппов, «Сахатранснефтегаз» АУо улуустааҕы учаастагын начаалынньыга Анастасия Федорова Хараттан 1-кы Тыыллыма нэһилиэгэр 14 килэмиэтир 400 миэтэрэ уһуҥҥа үрдүк күүрүүлээх гаас ситимэ тардыллыытын бэлэмнээн, хоруу хаһыыта уонна гаас турбатын түһэрии үлэтэ бара турар сиригэр сырыттылар. Бэдэрээтчит тэрилтэнэн «Ленагаз» ХЭТ үлэлиир. Былаан быһыытынан нэһилиэккэ диэри гаас утаҕын тардыы бу күһүн түмүктэниэхтээх.
Алтан нэһилиэгэр «СайдыыСтрой» ХЭТ бэдэрээтчит тэрилтэ нэһилиэк иһигэр 12 килэмиэтир 600 миэтэрэ уһуннаах гаас турбата сир анныгар угуллуутун түмүктээн отпрессовка уонна холбооһуҥҥа бэлэмнээһин үлэлэрин ыыта сылдьар.
Гааһы дьиэлэргэ холбооһун балаҕан ыйын ортотугар былааннанар. Быйыл 111 дьиэҕэ күөх төлөн киириэхтээх.
Бу туһунан Мэҥэ Хаҥалас улууһун дьаһалтатын телеграм-ханаалыгар пресс-сулууспа иһитиннэрэр.
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …