Хаартыска -- Мэҥэ Хаҥалас улууһун МТ пресс-сулууспата.
Бэҕэһээ, муус устар 13 күнүгэр, Аллараа Бэстээх «Парус» успуорт уораҕайыгар Мэҥэ Хаҥалас улууһун нэһилиэктэрин баһылыктарын бириистэригэр мас тардыһыыга «Мэҥэ кубога» өрөспүүбүлүкэтээҕи турнир саҕаланна.
Мас тардыһыы күрэхтэһиитигэр Үөһээ Бүлүү, Горнай, Нам, Хаҥалас, Чурапчы, Томпо, Таатта, Амма, Уус Алдан, Мэҥэ Хаҥалас улуустарыттан, Ленскэй, Дьокуускай куораттартан элбэх хамаанда кэллэ.
Спортсменнары улуус баһылыгын бастакы солбуйааччы Василий Михайлов, улуустааҕы успуорт уонна физическэй култуура салаатын салайааччы Алексей Попов, улуустааҕы мас тардыһыы Федерациятын бэрэссэдээтэлэ Иннокентий Яковлев, Мэҥэ нэһилиэгин баһылыга Александр Куприянов эҕэрдэ тылы эттилэр.
Күрэх сүрүн судьуйата — мас тардыһыытыгар СӨ хас да төгүллээх чөмпүйүөнэ, СӨ успуордун маастара, үлэ, байыаннай дьайыы бэтэрээнэ Владимир Шарин. Мэҥэ Хаҥалас улууһун дьаһалтатын пресс-сулууспата иһитиннэрбитинэн, турнирга 16 хамаанда, 144 спортсмен кыттыыны ылаллар.
Ол курдук, 83 эр дьон, 42 дьахтар, 18 успуорт бэтэрээнэ ыйааһыннарынан арахсан, икки күн устата тыҥааһыннаахтык киирсиэхтэрэ, күүстэрин, тулуурдарын тургутан, бэйэлэрин ааттарын уонна улуустарын дорҕоонноохтук ааттатыахтара.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…