Хаартыска: Дмитрий Тихонов ТГ-ханаала.
Быйыл сыл саҥатыгар туризмы сайыннарыыга туһуламмыт Стратегия олоххо киириэҕиттэн, улуустарга араас туристическай хайысхалаах үлэни тэтимирдэр сорук турар.
Бу күннэргэ Мэҥэ Хаҥалас улууһун баһылыга Дмитрий Тихонов бэйэ дьыалатын тэринэн, бу эйгэҕэ үлэлии сылдьар урбаанньыттары кытта көрүстэ.
«Биһиги улууспутугар бу хайысхаҕа күн бүгүн 11 туристическай бааза дьыл кэмнэринэн дьону-сэргэни сынньатар. Көрсүһүүгэ инники былааммытын торумнаатыбыт. Ол курдук улуус, өрөспүүбүлүкэ олохтоохторугар эрэ буолбакка, инникитин дойдубут уонна аан дойду араас муннуктарыттан дьон кэлэригэр тустаах үлэни ыытыахтаахпыт туһунан санаа атастаһыыта буолла. Улууспут турар сирэ, айылҕабыт, баай ис хоһоонноох интэриэһинэй сирдэрбит туризм эйгэтэ сайдарыгар тирэх буолаллар. Онон дьон-сэргэ сылы төгүрүччү сынньаналларыгар, бириэмэлэрин туһалаахтык атааралларыгар, айылҕалыын алтыһан, күүс-сэниэ эбинэллэригэр ураты, тупсаҕай эйгэ, бары ирдэбиллэргэ эпиэттиир усулуобуйа тэрийэргэ былааннаах үлэ ыытарбыт ирдэнэр. Биллэн турар, түмсэн үлэлээтэхпитинэ бу соруктары толоруохпут. Бу көрсүһүүттэн тирэх ылан биир ситимҥэ үлэни тэрийэн, туризм хайсхатын саҥа таһымҥа таһаарарга ситиһиилээх үлэни баҕарабын«, — диэн Дмитрий Тихонов бэйэтин телеграм-ханаалыгар билиһиннэрдэ.
Кулун тутар ыйга, чахчы да, кулун төрөөһүнэ саҕаланан эрдэҕэ. Сылгыны иитиэн баҕарар эдэр ыалларга анаан…
2025 сылга Өлүөнэ муостатын түөрт бөдөҥ тирэҕин туруоруохтара. Бу туһунан Саха сирин Бырабыыталыстыбатын бэрэссэдээтэлэ Кирилл…
Нерюнгри олохтооҕо дьахтар административнай быраабы кэһэн, 10 тыһ.солк. кээмэйдээх ыстараабы төлүөҕэ диэн СӨ сууттарын пресс-сулууспата…
Бүгүн, муус устар 2 күнүгэр, Саха сирин сорох улуустарыгар +10 кыраадыс буолара, инчэҕэй хаар, күүстээх…
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Улуустарга байыастар дьиэлэрин киин ититэр ситимҥэ холбооһун үлэтэ салҕанар. 2025 сылга 45 дьиэни холбуур былааннаахтар.…