Мэҥэ Хаҥаласка үс сыл устата Тыа хаһаайыстыбатын сылынан биллэриллибитэ. Бу чэрчитинэн ылыныллыбыт былаанынан, мэҥэ хаҥаластар күүстээх үлэни ыыталлар.
Ол курдук, ыам ыйын 3 күнүгэр тыа хаһаайыстыбатын сайдыытыгар төһүү буолар, хороҕор муостааҕы, сыспай сиэллээҕи иитэр, сыллата ыһыынан дьарыктанар өрөспүүбүлүкэтээҕи сүөһү аһылыгын бэлэмниир бырагырааманан 9 хаһаайыстыбаҕа МТЗ-82.1 балочнай муостаах 50% чэпчэтиилээх тыраахтар тиэхиньикэни туттардылар.
Мэҥэ Хаҥалас улууһун бастыҥ хаһаайыстыбалара: «Хорообут» ХУо, «Тумул» ТХПК, «М.Егорова» ХУо, «Чюйя» МУТ, «Томтор» ХУо, «Тарат» ТХПК, «Хаххах» ТХПК, «Дмитриев А.Н» ПХ, «Холмогоров А.Л.» ПХ саҥа тыраахтар күлүүһүн тутар чиэскэ тигистилэр.
«Тыа хаһаайыстыбата, нэһилиэктэр сайдыыларыгар, тыа сиригэр дьон-сэргэ олохсуйарыгар улахан болҕомто ууруллар.Биһиги Ил Дархаммыт Айсен Николаев өйөбүлүнэн, кини олохтообут бырагырааматынан тиэхиньикэлэр кэлбиттэрин бэлиэтээн туран, улахан махталбытын тиэрдэбит», — диэн улуус баһылыга Дмитрий Тихонов эттэ, «Бу кэмтэн ыла тиэхиньикэлэрбит, хороҕор муостаахпыт, сыспай сиэллээхпит дэлэйэригэр, хаһаайыстыбаларбыт, үлэһит дьоммут бигэ туруктаах буолалларыгар төһүү күүс буолуохтара».
Видео уонна хаартыска Мэҥэ Хаҥалас дьаһалтатын пресс-сулууспата
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…