Мэҥэ Хаҥаласка 17 саастаах уол уорууга уорбаланар

Мэҥэ Хаҥаластааҕы ИДьМ дьуһуурунай чааһыгар олохтоох киһи массыынатыттан 16 тыһ.солк. уордарбытын туһунан иһитиннэрбит. Бу туһунан СӨ ИДьМ пресс-сулууспата иһитиннэрэр.

Холуобунай ирдэбил үлэһиттэрэ 17 саастаах уол оҕо уорбаланарын быһаарбыттар.

Быһаарыллыбытынан, киэһэ уол доҕотторун кытта бэлисипиэттии сылдьыбыт. Чааһынай дьиэ таһынан ааһан иһэн тиэргэҥҥэ ким да суоҕун бэлиэтии көрбүт. Онно киирэн, солуона хатамматах массыынаҕа бардачогуттан харчы булан ылбыт уонна уорбут. Уорбут харчытын туттубатах, төннөрбүт.

Уоруунан холуобунай дьыала тэриллибит.