Хаартыска Мэҥэ Хаҥалас улууһун дьаһалтатын пресс-сулууспатыттан
Мэҥэ Хаҥалас улууһун «Байанай-2024» күрэҕин быйылгы сонун сүүрээнинэн Илин уонна Арҕаа Сибиир булчут боруодалаах ыттарын сыаналыыр быыстапката буолла.
Быыстапкаҕа дьон-сэргэ хото кэллэ, барыта 32 ыт кыттынна. Быыстапкаҕа ыттары эспиэр Роберт Константинов салайааччылаах бөлөх сыаналаата диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Боруодаларынан араартаан, ыт тас көрүҥүн сайдыытын, түүтүн өҥүн-дьүһүнүн, тииһин эрээтин уонна онтон да атын ирдэбиллэргэ эппиэттиирин көрөн сыаналаатылар. Арҕаа Сибиир лаайка боруодалаах ыттарга сэттэ ыт кыттынна:
Бастакы миэстэни 3 саастаах Белла диэн ааттаах ыт ылла (хаһаайына – Семен Гоголев).
Иккис миэстэни 1 саастаах Белла диэн ааттаах ыт ылла (хаһаайына – Афанасий Филиппов).
Үһүс миэстэни 5 саастаах Кустук диэн ааттаах ыт ылла (хаһаайына – Ян Мохначевскай).
Илин-Сибиир лайка боруодалаахтарга 25 ыт кыттан, түмүк маннык буолла:
Бастакы миэстэ – 2 саастаах Аргыс (хаһаайына – Афанасий Филиппов).
Иккис миэстэ – 2 саастаах Баппат (хаһаайына – Афанасий Шамаев).
Үһүс миэстэ – 4 саастаах Чернай (хаһаайына – Михаил Черкашин).
Муҥутуур кыайыылааҕынан Аргыс диэн ыт буолла (хаһаайына – Афанасий Филиппов). Оттон тыһы ыттарга Белла диэн ааттаах ыт ааттанна (хаһаайына – Семен Гоголев).
Миэстэлэспиттэр уу харчынан уонна сыаналаах бириистэринэн наҕараадаланнылар.
Булчут хааннаах, удьуор төрүттээх ыттары иитиигэ, харыстаан көрүүгэ-истиигэ көҕүлүүр, кэнчээри ыччакка саха киһитэ айылҕаны кытта ыкса ситимнээҕин тиэрдэр сыаллаах тэрээһин дьон-сэргэ сэҥээриитин ылла. Кырдьыга да, былыр-былыргыттан киһи доҕорунан ааттаммыт булчут ыт барахсан хаһаайынын кытта сиргэ-уокка, булка-алка тэҥҥэ сылдьан кэллэҕэ.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…