Мэҥэ Хаҥаласка бэлисипиэттээх киһини массыына түҥнэри көттө

Саха сиригэр ааспыт сууккаҕа 13 буруйу оҥоруу буолбут диэн СӨ дьуһуурунай борокуруора иһитиннэрэр.

Дьокуускай уонна Удачнай олохтоохторо түөкүттэргэ 4 мөл.солк. албыннаппыттар. Удачнай олохтооҕо инвестицияҕа ыытабын дии санаан, 2,3 мөл.солк. тахса харчытын суйдаппыт.

Кэбээйи оройуонугар массыына уорбуттара биллибит. Оттон Дьокуускайга уонна Нерюнгрига наркотигынан эргиммит дьону туппуттар.

Мэҥэ Хаҥаласка «Амма» суол 850-с килэмиэтиригэр суоппар сатаан салайбакка, бэлисипиэтинэн айаннаан испит 24 саастаах эр киһини түҥнэри көппүт. Бу киһини госпитализациялаабыттар.

Суукка иһигэр итирик туруктаах 13 суоппары туппуттар.