Мэҥэ Хаҥаласка былаас бэрэстэбиитэлин хабарҕалаабыт эр киһи буруйданна

СӨ Өрүс уҥуоргу силиэстийэлиир кэмитиэтин отдела хомуйбут дакаастабылларынан 37 саастаах эр киһи суутунан бириигэбэрэ таҕыста. Кини РФ ХК 1 ч. 318 ыст. буруйданар.

Силиэстийэ быһаарыытынан, сууттанааччы муус устар 10 күнүгэр сарсыарда эрдэ итирик туруктаах сылдьан, Мэҥэ Хаҥалас оройуонун ИдьМ дьуһуурунай чааһын көрүдүөрүгэр полиция үлэһиттэригэр утарыласпыт уонна биир полиция үлэһитин хабарҕалаабыт, диэн Саха сиринээҕи Силиэстийэлиир кэмитиэтин пресс-сулууспата иһитиннэрэр.

Суут буруйдааҕы 2 сылга болдьоххо, итинтэн 1 сыл 8 ый усулуобунайдык көҥүлүн быһарга уураахтаата.