Мэҥэ Хаҥаласка дьахтар иирсээн түмүгэр дьиэҕэ киирэр ааны сүгэнэн кэрдибит

Мэҥэ Хаҥалас улууһугар полиция дьуһуурунай чааһыгар малы-салы алдьатыы туһунан быһылаан тахсыбыта регистрацияланна.

Бэрэбиэркэ кэмигэр учаастактааҕы боломуочунайдара 43 саастаах дьахтар чааһынай дьиэ киирэр аанын алдьатыыга кыттыгастааҕын быһаардылар.

Силиэстийэ быһаарбытынан, урут уорбаланааччы социальнай ситимнэринэн атын дьахтары кытта иирсибитэ биллибит. Аны туран этиспит  дьахтара урукку эрин ийэтэ буолара быһаарылынна. Ол курдук, иирсээн түмүгэр уорбаланааччы дьахтар урукку эрин ийэтигэр дьиэтигэр тиийэн кыыһырбыт санаатыгар дьиэҕэ киирэр аанын сүгэнэн кэрдибит.

Российскай Федерация Холуобунай Кодексын 1 ч. 167 ыст  холуобунай дьыала тэрилиннэ. Бу туһунан ИДьМ пресс-сулууспата суруйар.