Мэҥэ Хаҥаласка дьиэ баһаарыгар дьахтар тыына быһынна

Ааспыт сууккаҕа Саха сиригэр 11 буруйу оҥоруу буолбутун туһунан СӨ борокуратуурата иһитиннэрэр.

Мэҥэ Хаҥалас улууһун Павловскай сэлиэнньэтигэр чааһынай дьиэ умайда. Баһаары умуруоруу кэмигэр 69 саастаах дьахтар өлүгүн буллулар.

Дьокуускайга бэлисипиэти уордулар.

Киин куорат олохтоохторо баантан, Энергосбыттан, Росфинмониторинтан эрийэбит диэн түөкүттэр угаайыларыгар киирэн биэрбиттэр.

Ботуруону сокуоннайа суохтук харайыы бэлиэтэммит.

Хаҥалас улууһугар Хачыкааттааҕы оскуола «Колосок» кыра саастаах оҕолор сылдьар бөлөхтөрүгэр сүһүрүү буолбута бэлиэтэммит. Борокуратуура бэрэбиэркэлиир.

Алдан оройуонугар суол саахалыгар биир киһи эчэйбит.

Суукка устата итирик туруктаах уон суоппар тутулунна.