Мэҥэ Хаҥаласка Дьокуускай куорат олохтооҕо ойуур маһын кэрдэн 1 мөл.солк. ыстарааптанна

Мэҥэ Хаҥалас улууһун борокуратуурата Дьокуускай куорат олохтооҕун холуобунай дьыалаҕа судаарыстыбаннай буруйдааһынын өйөөтө. Кини сокуоннайа суох ойуур маһын кэрдиигэ буруйданна.

Суут быһаарыытынан, буруйданааччы ойуур кэрдиигэ сөптөөх көҥүлэ суох сылдьан кумаҕы хостуур карьер учаастагын бэлэмнииргэ ойуур маһын кэрдибит. РФ ойуур пуондатыгар хоромньу суумата 660 тыһ. солк. кэриҥэ буолбут. Силиэстийэ кэмигэр сууттанааччы ойуур пуондатыгар таһаарбыт хоромньуну сууматын толору толуйбут.

Суут судаарыстыбаннай буруйдааччы этиитин учуоттаан, хоромньуну төлөммүтүнэн эр киһини 1 000 000 солк. суумаҕа ыстарааптаата.

Суут бириигэбэрэ сокуоннай күүһүгэр киирэ илик, диэн СӨ Борокуратуурата суруйар.