Мэҥэ Хаҥаласка эр киһи кыыска саба түспүт уонна халаабыт

Мэҥэ Хаҥалас улууһугар итирик эр киһи 26 саастаах кыыска саба түспүт, суулларбыт уонна халаабыт.

СӨ ИДьМ иһитиннэрэринэн, итирик эр киһи ааһан испит кыыстыын билсэ сатаабыт. Аккаас ылан баран, кини кыыһы олбуордар диэки эккирэтэн кэлэн баттаҕыттан харбаабыт, сиргэ суулларбыт уонна суумкатын былдьаабыт.

Кыыс хаһыытыырын аттынан ааһан испит эр киһи истибит. Кини кэлэн, аннараа киһи куоппут. Эмсэҕэлээччи кыыс тута полицияҕа үҥсүбүт.

Полиция үлэһиттэрэ эрдэ сууттана сылдьыбыт 31 саастаах уорбаланааччыны быһаарбыттар. Кинини изоляторга укпуттар, уоруллубуту төннөрбүттэр.