Мэҥэ Хаҥаласка эр киһи сымыйа докумуону көрдөрөн тутулунна

Ааспыт сууккаҕа өрөспүүбүлүкэҕэ биэс буруйу оҥоруу бэлиэтэммитин туһунан дьуһуурунай борокуруор иһитиннэрэр.

Киин куоракка, Ленскэй, Мииринэй оройуоннарыгар түөкүннээһин туһунан иһитиннэриилэр киирбиттэр. Түөрт киһи барыта холбоон 7 мөл.солк. уордарбыт.

Мэҥэ Хаҥалас улууһугар 1990 с.т. эр киһи РФ сиригэр-уотугар олорорун бигэргэтэр сымыйа докумуону көрдөрөн тутуллубут.

Нерюнгри оройуонугар массыыналар харсыспыттар, икки эр киһини госпитализациялаабыттар.

Суукка иһигэр итирик туруктаах 10 суоппары туппуттар.