Хаартыска Мэҥэ Хаҥалас улууһун дьаһалтатын пресс-сулууспатыттан
Бүгүн, муус устар 5 күнүгэр, «Майа – дойдум барахсан» искибиэргэ «Аҕа күрэҕэ-2024» өрөспүүбүлүкэтээҕи аҕа уолунаан күрэҕин кыттааччылара Мэҥэ Хаҥалас улууһугар тиийдилэр. Кинилэри Мэҥэ Хаҥалас улууһун ыалдьытымсах олохтоохторо саха үтүө үгэһинэн – арыылаах алаадьынан айах тутан, уруйдуу-айхаллыы көрүстүлэр.
Быйылгы Аҕа уолунаан күрэҕэ муус устар 6-7 күннэригэр Майа сэлиэнньэтин Ураһаалаах алааһыгар ыытыллыаҕа диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Күрэхтэһэ кэлбит дьону улуус дьонун-сэргэтин, тэрийээччилэрин ааттыттан улуус баһылыгын социальнай уонна имиджевэй бэлиитикэҕэ солбуйааччы Альбина Григорьева эҕэрдэлээтэ. Ону тэҥэ Үлэ министиэристибэтин аатыттан Ресурснай киин отделын начаалынньыга Варвара Кулаковская тыл эттэ.
Күрэххэ уопсайа өрөспүүбүлүкэ араас муннугуттан барыта 19 хамаанда кыттарга сайаапка түһэрбит. Ол курдук, Амма, Үөһээ Бүлүү, Бүлүү, Горнай, Кэбээйи, Ленскэй, Нам, Ньурба, Өлүөхүмэ, Орто Халыма, Сунтаар, Таатта, Уус Алдан, Хаҥалас, Чурапчы улуустарын хамаандалара, Дьокуускай куораттан уонна Мэҥэ Хаҥалас улууһуттан иккилии хамаанда кыттыаҕа.
Аҕалар уол оҕолорунаан икки күн устата, муус устар 6 уонна 7 күннэригэр, Ураһалаах алааска бэйэлэрин сатабылларын, быһыйдарын, сымсаларын тургутан бастыыр иһин күөн көрсүөхтэрэ.
Ааспыт нэдиэлэҕэ Дьокуускайга ыытыллыбыт аһымал кэнсиэр уонна хартыына аукционун түмүгүнэн ардах халааныттан эмсэҕэлээбит улуустарга көмөҕө…
Балаҕан ыйын 4 күнүгэр Илиҥҥи экэнэмиичэскэй пуорумҥа СӨ Бырабыыталыстыбатын, «Сахатранснефтегаз» АУо уонна «Уһук Илин уонна…
Саха Өрөспүүбүлүкэтин Үрдүкү суута полиция урукку начаалынньыгыттан уонна кини кэргэниттэн 11,9 мөл. солк. судаарыстыба суотугар…
Дьокуускайдааҕы куорат суута Дьокуускай куорат олохтооҕор РФ Холуобунай кодексатын 112-с уонна 117-с ыстатыйаларынан (доруобуйаҕа орто…
Дьокуускай куорат 393 сыллаах үбүлүөйүн сүрүн тэрээһиннэрэ балаҕан ыйын 12-14 күннэригэр ыытыллыахтара. Бу туһунан киин…
Илиҥҥи экэнэмиичэскэй пуорумҥа Саха сиригэр Алданнааҕы бырамыысыланнай кластеры тэрийэр инвестиционнай бырайыагы олоххо киллэрии туһунан сөбүлэһии…