Хаартыска Мэҥэ Хаҥалас улууһун пресс-сулууспатыттан
Бэҕэһээ, от ыйын 25 күнүгэр, Аллараа Бэстээххэ Р.И. Брызгалов аатынан Тырааныспар техникумугар Х өрөспүүбүлүкэтээҕи үп уорганнарын уонна кииннэммит бухгалтерия үлэһиттэрин сэминээрэ саҕаланна.
Тэрээһин үөрүүлээх аһыллыытыгар улуус дьокутааттарын сэбиэтин бэрэссэдээтэлэ Иннокентий Андросов тыл эттэ, улуус баһылыгын эҕэрдэ, махтал суруктарын, наҕараадаларын туттарда диэн Мэҥэ Хаҥалас улууһун дьаһалтатын пресс-сулууспата иһитиннэрэр.
Үп миниистирин эбээһинэһин толорооччу Иван Алексеев билигин дойду үрдүнэн үп систиэмэтэ туруктаах буолуутугар улахан болҕомто уурулларын бэлиэтээтэ, өрөспүүбүлүкэ ааспыт сыллааҕы бүддьүөтүн дохуоттаах чааһа 2022 сыллаахтан 25 миллиардынан үрдээбитин, онтон ороскуоттаах чааһыттан 48% социальнай эйгэни сайыннарыыга барарын эттэ. Ону тэҥэ, быйыл эдэр исписэлиистэргэ ананар бастакы Арассыыйатааҕы пуоруму тэрийэн ыытыы былааннаммытын билиһиннэрдэ.
Сэминээр үс күн устата ыытыллыаҕа, бу күн барыта 28 улуустан, Дьокуускай куораттан 100-чэкэ үп-харчы, экэниэмикэ эйгэтигэр үлэлиир исписэлиистэр кыттыыны ыла кэллилэр. Бүгүҥҥү күнү үп миниистирин солбуйааччы Николай Старостин муниципальнай тэриллиилэргэ бүддьүөт хааччыллыытын тэҥнииргэ дотацияны үллэрии методикатыгар уларыйыыны киллэрэргэ биэдэмистибэлэр икки ардыларынааҕы бөлөх үлэтин түмүгүн билиһиндэ.
Дохуот департаменын салайааччытын солбуйааччы Наталья Сорова сокуоҥҥа киирэр уларыйыылары, кэлэр икки сылга дохуот билгэлээһинин сөбүлэһиннэриигэ киириини кэпсээтэ. Салгыы күн устата араас тиэмэлэринэн дьүүллэһии, аһаҕас кэпсэтии, уопут атастаһыыта ыытыллар.
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…