Мэҥэ Хаҥаласка икки этээстээх саҥа дьиэ үлэҕэ киирдэ

Бэҕэһээ, алтынньы 10 күнүгэр,  Мэҥэ Хаҥалас улууһугар Мэлдьэхси нэһилиэгэр дойду президенэ Владимир Путин көҕүлээбит «Хаарбах дьиэттэн дьону көһөрүү» бырагырааманан икки этээстээх саҥа таас дьиэни олохтоохторго үөрүүлээхтик быһыыга-майгыга арыйдылар.

— Ыраас ыралара туолан, саҥа кыбартыыра күлүүһүн туппут дьоммут үөрүүлэрэ үгүс. Эбийиэги Руслан Трофимов салайааччылаах «Стройкомплектсервис» хааччахтаммыт эппиэтинэстээх тэрилтэ тутта. Аныгы ирдэбилгэ толору эппиэттиир 8 кыбартыыралаах, толору хааччыллыылаах таас дьиэҕэ дьоллоох ыаллар, олохтоохтор көһөн киириэхтэрэ.
Бу олус наадалаах бырагыраама үлэлээн, үгүс киһи сыллата саҥа кыбартыыранан хааччыллар. Дьон-сэргэ олоҕо тупсарыгар улахан болҕомто уурулларыгар дойдубут лиидэригэр Владимир Путиҥҥа, Ил Дархан Айсен Николаевка, Тутуу министиэристибэлэригэр, эт илиилэринэн тутан-хабан дьиэни туппут дьоммутугар махтанабыт, — диэн Мэҥэ Хаҥалас улууһун дьаһалтатын пресс-сулууспата иһитиннэрдэ.