Оҥочо түҥнэстибит, биир киһи тахсыбыт

Бүгүн, ыам ыйын 11 күнүгэр, 14.57 ч. Мэҥэ Хаҥалас улууһуттан ЕДДС дьуһуурунайыттан Мэҥэ Хаҥалас улууһун Майа с. олохтооҕо, 1983 с.т. киһи сүппүтүн туһунан иһитиннэри киирбит. 

2025 с. ыам ыйын 10 күнүгэр түөрт киһи Тамма үрэҕинэн икки оҥочонон гидрометеопост таһынан, Лоомтукаттан быһа холуйан 20 км сиринэн, айаннаабыттар. Икки киһилээх биир оҥочо түҥнэстибит, онтон биир киһи тахсыбыт. Сүппүт киһилэрин киэһээҥҥэ диэри бэйэлэрэ көрдөөбүттэр да булбатахтар. Аллараа Бэстээххэ дьуһуурнай чааска иһитиннэрбиттэр. Аллараа Бэстээхтэн ИДьМ үс үлэһитэ — учаскуобай, опер уполномоченнай, дознаватель тиийбиттэр.

Оҥочо эргийбит сиригэр 8 киһи үлэлиир, олохтоох нэһилиэнньэттэн уонна икки тиэхиньикэ.

Ыам ыйын 12 күнүгэр Саха сирин Быыһыыр сулууспатын водолазниктарын бөлөҕө тиийэрэ былааннаммыт.

Саха сирин ытыктабыллаах олохтоохторо! СӨ Быыһыыр сулууспата муус барар кэмигэр арыыларга тахсыбаккытыгар, уунан айаннаабаккытыгар сүбэлиир. Бэйэҕит олоххутун, туора дьон олоҕун  харыстааҥ!