Хаартыска Мэҥэ Хаҥалас улууһун дьаһалтатын пресс-сулууспатыттан
Мэҥэ Хаҥалас улууһун дьаһалтата тыа хаһаайыстыбатын сайыннарыыга оҥорон таһаарыыны үрдэтиини сүрүн сыал-сорук оҥостор. Бүгүн улууска кыстыкка киириэх иннинэ, Калужскай уобаластан 50 төбө симментал боруода сүөһүнү атыылаһан аҕаллылар.
Бу туһунан Мэҥэ Хаҥалас улууһун баһылыга Дмитрий Тихонов санаатын үллэһиннэ.
«Олохтоох бородууксуйаны оҥорууну үрдэтии, иҥэмтиэлээх, хаачыстыбалаах, бэйэ аһынан-үөлүнэн хааччыйыы — биһиги сүрүн сорукпутунан буолар. Итини сэргэ Мэҥэ Хаҥалас улууһугар бу салааҕа сүөһү хаанын уларытан тупсарыыны биир эмиэ улахан соругунан ааҕабыт. Биһиги Тыа хаһаайыстыбатын үлэһиттэрин күнүн көрсө, Калужскай уобаластан «Красный комбинат» хааччахтаммыт эппиэтинэстээх тэрилтэттэн племенной симментал боруодалаах биэс уон төбөнү «Чүүйэ» тэрилтэбитигэр аҕаллыбыт. Салгыы Аркадий Лукин салайааччылаах тэрилтэ племенной хаһаайыстыба буоларын ситиһиэхпит. Улууспутугар сүөһү хаанын тупсаран, үүт-эт аһы дэлэтиигэ тирэх хаһаайыстыба буоларыгар былааннаах үлэни ыытабыт», — диэн улуус баһылыга Дмитрий Тихонов кэпсээтэ.
Симментал сүөһү боруодата Арассыыйаҕа 19 үйэҕэ аҕалыллыбыта. Бу боруода сүрүн уратытынан тымныыны тулуйуомтуо уонна ыарыыга бэринимтиэтэ суох. Биллэрин курдук, симментал боруода дэлэй үүттээх, эмис эттээх диэн бэлиэтииллэр.
ЫБМ управлениетатыгар икки этээстээх чааһынай олорор дьиэҕэ баһаар тахсыбытын туһунан иһитиннэрии киирбит. Аадырыһа: Сунтаар улууһа,…
2026 сыл тохсунньу 1 күнүттэн Дьокуускайга уопсастыбаннай тырааныспарынан айан төлөбүрэ уларыйда. Билигин куорат иһигэр оптуобуска…
Саҥа сыл бастакы нэдиэлэтигэр сулустар чугас дьоҥҥутугар болҕомтолоох буоларгытыгар сүбэлииллэр. Хой Саҥа сылы саҥа бырайыактарынан…
Саха сирин синоптиктара билгэлииллэринэн, бүгүн, тохсунньу 2 күнүгэр, Саха сирин үгүс улуустарыгар кыратык хаардыа, Өлүөнэ…
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…