Хаартыска: sakha.gov.ru
СӨ бырабыыталыстыбатын бэрэссэдээтэлин бастакы солбуйааччы Дмитрий Садовников Майа сэлиэнньэтигэр балыыһа комплексын уонна Аллараа Бэстээх бөһүөлэгэр учаастактааҕы балыыһа тутууларын бэрэбиэркэлээтэ.
Эбийиэктэр иккиэн дойду бэрэсидьиэнэ Владимир Путин көҕүлээһининэн ыытыллар «Уһун уонна көхтөөх олох» национальнай бырайыак чэрчитинэн тутулла тураллар.
Майа сэлиэнньэтин балыыһатын комплексын бэлэмэ 30 бырыһыан кэриҥэ. Комплекс түөрт этээстээх, уопсай иэнэ 4655 кв.м, стационара 33 куойкалаах уонна биир симиэнэҕэ дьахтар консультациятыгар 30 киһи сылдьарыгар анаммыт. Билигин тутууга 45 киһи үлэлии сылдьар. Ону кытта эбийиэккэ графиктан хойутааһын баар.
Оттон Аллараа Бэстээх бөһүөлэгэр учаастактааҕы балыыһа тутуута 59 бырыһыан бүппүт. Балыыһа биир симиэнэ устатыгар 70 киһи сылдьарыгар анаммыт, 15 стационарнай куойкалаах. Эбийиэк үс этээстээх, уопсай иэнэ 1240 квадратнай миэтэрэ. Эбийиэккэ 18 исписэлиис үлэлии сылдьар, диэн иһитиннэрэр Ил Дархан, бырабыыталыстыба пресс-сулууспата.
Сиһилии: https://www.sakha.gov.ru/news/11353
«Чолбон» сурунаал алтынньытааҕы нүөмэригэр ааҕыҥ: - «Улуу Кыайыы айымньылара» рубрикаҕа Константин Эверстов штрафбакка түбэспит…
Оҕо оонньуур эбэтэр успуорт былаһааккатын, ону таһынан оскуола эбэтэр уһуйаан тиэргэнин иһигэр ыты күллэйдэппит ыт…
"Роскомнадзор" WhatsApp* уонна Telegram диэн омук мессенджердэрин үлэлэрин сороҕун хааччахтыыр миэрэлэри ылынар диэн РБК суруйар.…
Арассыыйа анал сулууспалара дьон тус дааннайдарын хомуйар уонна булан биэрэр саамай бөдөҥ телеграм-боту — «Глаз…
Саха Өрөспүүбүлүкэтин Төрүт сокуонугар киллэриллибит уларытыылар өрөспүүбүлүкэҕэ үөрэхтээһини бөҕөргөтөр эрэ буолбакка, барыга хаачыстыбалаах үөрэх тиийимтиэ…
СӨ Ил Дархана Айсен Николаев бүгүн, алтынньы 23 күнүгэр, хас да каадыр ыйааҕар илии баттаата. …