Мэҥэ Хаҥаласка оҕо сүппүт

Бэҕэһээ, от ыйын 23 күнүгэр, Мэҥэ Хаҥалас улууһун ЕДДС сулууспатыгар Мэлдьэхси нэһилиэгэр 2016 с.т. оҕо сүппүтүн туһунан биллэрдилэр.

Бу туһунан Саха сиринээҕи Быыһыыр сулууспатын пресс-сулууспата суруйар. Уол оҕо дьиэтиттэн күнүс 15.00 чаас саҕана тахсан барбыт уонна төннүбэтэх. Олохтоохтор оҕону нэһилиэктэн чугас эргин  уонна тыаҕа көрдөөтүлэр. Дьокуускай куораттан биэс киһилээх быыһыыр сулууспа уонна психолог бөлөҕө тиийдилэр.

Бу түүн 3:15 чааска сүппүт оҕону тимир суол ыстаансыйатын үлэһитэ Элизар Иванов булбут.