Мэҥэ Хаҥаласка племенной сылгылар быыстапкалара турда

Мэҥэ Хаҥалас улууһугар «Куоҥ Харах» ипподромугар «Сылгыһыт күнэ» ыытылла турар.

— Билигин племенной сылгылар быыстапка-дьаарбаҥкалара ыытылла турар. Көрөргө интэриэһинэй. Улуустартан дэлэгээссийэлэр кэлбиттэрэ,— диэтэ Тиэлиги нэһилиэгин тыа хаһаайыстыбатын исписэлииһэ Владимир Алексеев.

Бүгүн Майаҕа сылгыһыттар, туһааннаах исписэлиистэр өрөсеүүбүлүкэҕэ сылгыны үөрдээн иитиигэ анаммыт сүбэ мунньахха кыттыахтара.