Мэҥэ Хаҥаласка саахалтан массыына умайда

Бүгүн, ахсынньы 21 күнүгэр, Мэҥэ Хаҥалас улууһугар таһаҕас тиэйэр уонна кыра массыыналар харсыстылар. Ол түмүгэр таһаҕас тиэйэр массыына умайбыт.

Бу туһунан Судаарыстыбаннай автоинспекция иһитиннэрдэ. Сабаҕалаан быһаарбыттарынан, кыра иномарка массыына Дьокуускайдыыр суолу тутан испит. Иннигэр баран иһэр массыынаны ситээри утары кэлээччилэр суолларыгар тахсыбыт уонна таһаҕас тиэйэр массыынаны кытта харсыспыт. Харсыһыы кэнниттэн таһаҕас тиэйэр массыына умайан тахсыбыт, оттон иномарка күбүөккэ түспүт.

Доруобуйаларыгар улахан эмсэҕэлээһини ким да ылбатах. Иномаркаҕа олорсон испит биир саастаах оҕо кириэһилэ көмөтүнэн эмсэҕэлээбэтэх.