Байыаннай дьайыыларга кытта сылдьар дьон дьиэ кэргэннэригэр өрөспүүбүлүкэҕэ араас хайысхалаах өйөбүл оҥоһуллар. Хас улуус аайы бу хайысхаҕа тиһиктээх үлэ барар. Улуустар, куораттар аайы байыаннай дьайыылар кыттыылаахтарын дьиэ кэргэннэрин испииһэктээн олохторун чэпчэтэргэ үлэлииллэр.
Бу күннэргэ Мэҥэ Хаҥалас оройуонун дьаһалтата байыаннай дьайыылар кыттыылаахтарын дьиэ кэргэннэрин чилиэннэригэр дастабырыанньа оҥорон түҥэттэ. Ол курдук дастабырыанньа байыаннай дьайыылар кыттыылаахтарын кэргэннэригэр, оҕолоругар уонна төрөппүттэригэр бэриллэр.
Бу дастабырыанньанан тыйаатырдарга, култуура кииннэригэр, «Парус» успуорт комплексыгар, итини таһынан улуус иһигэр уонна улуустан Дьокуускай куоракка уонна төттөрү оптуобуһунан босхо айанныырга туһаныахтара.
Ол туһунан Мэҥэ Хаҥалас улууһун социальнай харыстабылын сайдыытын управлениетын начальнига Октябрина Никитична маннык эттэ:
«Биһиги управлениебыт ааспыт сылтан өрөспүүбүлүкэ баһылыга Айсен Николаев дьаһала тахсаатын кытары, байыаннай дьайыыларга кытта сылдьар дьоммут дьиэ кэргэннэригэр араас хайысхалаах көмө оҥорон барбыппыт. Ол курдук ааспыт сыл алтынньы ыйыттан байыаннай дьайыыларга кытта сылдьар дьон дьиэ кэргэннэрин чилиэннэрэ успуорт комплексыгар, тыйаатырдарга, киинэлэргэ, оптуобуһунан айаҥҥа босхо сылдьаллар. Ол эрээри биир ыспыраапканы бары уларса сылдьан тэлимнэтэрбит табыгаһа суох диэннэр, сыл саҥатыгар дастабырыанньа оҥоттордубут. Дастабырыанньа бу нэдиэлэттэн тарҕанна, дьиэ кэргэн хас биирдии чилиэнигэр тус-туспа оҥоһулунна».
Дьон туһугар оҥоһуллубут маннык дьаһаныы олус табыгастааҕын тустаах дьон бэлиэтииллэр уонна махталларын биллэрэллэр.
Бүгүн, олунньу 5 күнүгэр, "Кыайыы Знамята" өрөспүүбүлүкэтээҕи эстафета Кэбээйиттэн Нам улууһугар кэллэ. «Нам улууһуттан Аҕа…
Түөкүттэр Wildberries уонна биир мобильнай эпэрээтэр ыыппыт холбоһуктаах аахсыйаларын туһана охсубуттар, аахсыйа туһунан иһитиннэриини сымыйа…
Бырабыыталыстыба нэһилиэнньэ иннигэр быйылгы отчуота бу нэдиэлэттэн саҕаланна. Үгэс быһыытынан өрөспүүбүлүкэ бары нэһилиэктэрин хабан, дьону…
Бу күннэргэ Дьокуускай куорат полициятын 4-с нүөмэрдээх отделын дьуһуурунай чааһыгар олохтоох дьахтартан сайабылыанньа киирбит. Дьахтар …
Дьокуускайга “Мээрдэр оскуолалара” муниципальнай салайар каадыр эрэсиэрбэтин сайыннарар бырагыраама олоҕурбут көрүҥүнэн муодула буола турар. Үһүс…
Горнай улууһугар "100 сыл оҕолоро" хапытаалы 187 ыал ылан туһанна. Манна өрөспүүбүлүкэ бүддьүөтүттэн 9,8 мөлүйүөн…